Markos 7:24 - Marahay na Bareta Biblia

²⁴ Paghale ni Jesus duman, nagpasiring siya sa rehiyon nin Tiro asin Sidon. Nagdagos siya sa sarong harong asin habo niyang maaraman nin siisay man na yaon siya duman; alagad igwa man giraray nin nakaaram.

Markos 7:24 ပူးပေါင်းရင်းမြစ်များ

Genesis 10:15

Si Canaan iyo an ama si Sidon, na matua niyang aking lalaki, asin ni Het.

Genesis 10:19

Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan.

Genesis 49:13

“Maerok sa tampi kan dagat si Zabulon, Mga barko sa saiyang baybayon madoong. An saiyang teritoryo makakaabot sa Sidon.

Isaias 23:12

Tapos na an saimong kaogmahan, Syudad nin Sidon, asin inaapi na an saimong banwaan. Maski magdulag pa sinda sa Chipre, dai man giraray sinda magigin ligtas. (

Isaias 42:2

Dai siya makurahaw o malangkaw kan saiyang tingog o magibo nin makokosog na pahayag sa mga tinampo.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

Mateo 9:28

Pakalaog ni Jesus sa harong, nagrani saiya an duwang buta. Hinapot niya sinda, “Minatubod kamo na mararahay ko kamo?” Nagsimbag sinda, “Opo, Kagurangnan!”

Markos 2:1

Pakalihis nin nagkapirang aldaw nagbalik si Jesus sa Capernaum asin nakalakop an bareta na siya nasa saiyang harong.

Markos 7:23

Ining mga karatan na gikan sa puso kan tawo iyo an nakakapaati saiya.”

Markos 7:25

Naaraman kan sarong babae, na may aking daragita na may maraot na espiritu, na idtoon si Jesus. Nagduman siya tolos ki Jesus dangan nagdapa sa atubangan kaini.

Markos 7:31

Naghale si Jesus sa distrito nin Tiro. Nag-agi siya sa Sidon saka sa rehiyon kan Decapolis pagpasiring sa Danaw nin Galilea.

1 Timoteo 5:25

Siring man, an marahay na mga gibo hayag na nahihiling; maski an mga bakong hayag dai magdadanay na hilom.