Markos 7:22 - Marahay na Bareta Biblia

²² pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Markos 7:22 ပူးပေါင်းရင်းမြစ်များ

2 Mga Cronica 32:31

Kan magduman an mga sugo na mga taga Babilonia sa pagsiyasat kan mga nangyayari sa saiyang daga, pinabayaan nin Kagurangnan si Ezekias sa mga palakaw kaini tanganing baloon an hade asin aramon an nasa puso niya.

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 119:36

Pakilinga an sakong puso sa saimong katogonan, asin bakong sa kayamanan.

Mga Talinhaga 12:23

Dai ipinaghahambog kan madonong na tawo an saiyang naaaraman, alagad ipinapahayag kan lolong an saiyang kalolongan.

Mga Talinhaga 22:15

Natural sa aki an pagigin pilyo alagad sa paagi kan hampak makakanood siyang maggibo nin marahay.

Mga Talinhaga 23:6

Dai ka makikakan sa tawong kuripot, o magmawot kan inandam niyang masiram na kakanon.

Mga Talinhaga 24:9

Makasalan an ano man na plano na isipon kan lolong. Ikinakaongis nin mga tawo an nag-oolog-olog sa kapwa.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

Mga Talinhaga 28:22

Sa paghihidali kan kuripot na siya yumaman, dai niya naaaraman na maabot saiya an kadukhaan.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Mateo 20:15

Dai daw ako makapagboot kan boot kong gibohon sa sadiri kong kwarta? O naoori ka ta ako matinao?’”

Mateo 6:23

Alagad, kun malabog an saindong mga mata, an hawak nindo mapapano nin kadikloman. Kaya kun an ilaw na yaon saindo kadikloman, orog nanggad an kadikloman!

Markos 7:21

huli ta hale sa laog, sa puso nin tawo, minagikan an mga maraot na kaisipan, imoralidad, paghabon, paggadan, panambay,

Markos 7:23

Ining mga karatan na gikan sa puso kan tawo iyo an nakakapaati saiya.”

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Deuteronomio 28:54

Magigin maimot maski an pinakamaboot saka pinakamarahay na lalaki; dai niya hihirasan nin pagkakan an saiyang tugang, agom o an natatada niyang mga aki.

Deuteronomio 28:56

Maski an pinakamaboot saka pinakadelikadong babae, na dai pa nangahas magtungtong sa daga, magigin maimot sa saiyang agom sagkod mga aki;

1 Pedro 2:15

Huli ta boot nin Dios na maggibo kamo nin marahay tanganing maontok an kamangmangan kan mga tawong lolong.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”