Markos 7:21 - Marahay na Bareta Biblia

²¹ huli ta hale sa laog, sa puso nin tawo, minagikan an mga maraot na kaisipan, imoralidad, paghabon, paggadan, panambay,

Markos 7:21 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

An Libro ni Job 25:4

Paano, kun siring, magigin matanos an sarong tawo sa saiyang atubang? Paano magigin malinig an sarong namundag sa sarong babae?

Salmo 119:36

Pakilinga an sakong puso sa saimong katogonan, asin bakong sa kayamanan.

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 14:3

Gabos sinda nagsuhay sa dalan na matanos; gabos nagin maraot. Mayong natadang naggigibo nin tama, mayo, maski saro.

Salmo 53:1

An mga lolong minasabi sa saindang puso, “Mayo nin Dios.” Gabos sinda marompot, naggigibo nin maraot; mayo nang minagibo nin matanos.

Salmo 53:3

Alagad gabos sinda nagtalikod, gabos nagin marompot; mayo nin naggibong matanos, mayo maski saro.

Mga Talinhaga 15:25

Rinaraot nin Kagurangnan an mga harong kan mapaabaw-abaw, alagad iniingatan niya an mga pagsadiri kan babaeng balo.

Mga Talinhaga 4:23

Ingatan mo an saimong kaisipan, huli ta minabulos hale diyan an mga burabod nin buhay.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Ezekiel 38:10

Ini an itinataram nin Kagurangnan Dios ki Gog, “Pag-abot kan panahon na iyan, mapoon kang magplano nin maraot.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Mateo 9:4

Aram ni Jesus an nasa isip ninda kaya nagsabi siya, “Tadaw ta nag-iisip kamo nin maraot?

Markos 7:20

Nagsabi pa siya, “An minaluwas sa tawo iyo an nakakapaati saiya,

Markos 7:22

pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Mga Gibo 5:4

Bakong sadiri mo an daga bago mo iyan ipinabakal? Bakong sadiri mo an kabaklan kaiyan? Tadaw ta ginibo mo iyan? Nagputik ka sa Dios, bakong sa tawo!”

Mga Gibo 8:22

Kaya magsolsol ka kan maraot na plano mong iyan; mamibi ka sa Kagurangnan na patawadon ka niya kan kamawotan nin saimong puso.

Roma 7:5

Huli ta kan kita nabubuhay pa sosog sa laman, an satong makasalan na mga kamawotan na pinukaw kan Katogonan aktibong marahay sa satuya asin ini nagbubunga nin kagadanan.

Roma 7:8

Alagad dahel sa togon na iyan nagkaigwa nin oportunidad an kasalan na pukawon sako an gabos na klase nin pagkaara. Kun mayo nin Katogonan, gadan an kasalan.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Santiago 2:4

may pinapalaen kamo asin naghuhukom kamo na gikan sa maraot na kaisipan.