Markos 6:56 - Marahay na Bareta Biblia

⁵⁶ Saen man siya magduman, sa mga baryo, sa mga banwa o sa kaomahan, dinadara ninda sa plasa an mga naghehelang. Nakimaherak sinda ki Jesus na padutaon lamang sa gayad kan gubing niya an mga naghehelang. An gabos na nagduta naomayan.

Markos 6:56 ပူးပေါင်းရင်းမြစ်များ

2 Mga Hade 13:21

Sarong beses, nagkapirang lalaki an malubong nin sarong gadan na lalaki; kan mahiling ninda an sarong grupo nin Moabita, itinapok ninda an bangkay sa lulubngan ni Eliseo, dangan nagdurulag sinda. Pakaduta kan bangkay sa mga tolang ni Eliseo, nabuhay ini asin nagtindog.

Mga Bilang 15:37

Pinagbotan nin Kagurangnan si Moises na sabihan an mga Israelita kan mga tataramon na ini;

Mateo 14:36

Nakimaherak sinda saiya na tugotan an mga naghehelang na makaduta lamang maski sa gayad kan saiyang gubing; asin an gabos na nakaduta narahay.

Mateo 9:20

May sarong babae na doseng taon nang pinag-aawasan nin dugo. Nagrani siya sa likodan ni Jesus saka dinutaan an gayad kan gubing ni Jesus.

Markos 3:10

Kadakul na an binolong niya, kaya nakikipagsosoan pasiring saiya an gabos na naghehelang tanganing makaduta lamang saiya.

Markos 6:55

kaya nagdaralagan sinda pasiring sa mga kataraed na lugar dangan binuruligan ninda asin dinara ki Jesus an mga naghehelang.

Lukas 22:51

Alagad sinaway sinda ni Jesus, “Tama na!” Dangan dinutaan niya an talinga kan oripon asin naomayan ini.

Lukas 6:19

An gabos boot na makaduta ki Jesus huli ta may kapangyarihan na nagluluwas saiya na nagpapaomay sainda gabos.

Lukas 8:44

Nakarani siya sa likodan ni Jesus asin dinutaan niya an gayad kan gubing ni Jesus; napungpong tolos an pag-awas kan dugo.

Mga Gibo 4:12

An kaligtasan makukua sana ki Jesu-Cristo; mayo na nin ibang ngaran na itinao an Dios sa bilog na kinaban na makakaligtas sato.”

Mga Gibo 4:9

kun hinahapot nindo kami ngunyan manongod sa karahayan na ginibo sa lalaking lupog saka kun paano siya narahay,

Mga Gibo 5:15

Huli kaini, an mga naghehelang dinara sa mga tinampo asin ibinugtak sa mga higdaan saka banig tanganing pag-agi ni Pedro malindongan man lamang kan saiyang anino an iba sainda.

Deuteronomio 22:12

“Palaylayan nindo nin kordon an apat na kanto kan saindong alikboy.