Markos 5:13 - Marahay na Bareta Biblia

¹³ Tinugotan sinda ni Jesus kaya nagluwas an mga maraot na espiritu sa tawo dangan nagralaog sa mga orig. Mga duwang ribong orig idto gabos; duminalagan idto sa ampas asin nagkahurulog sa danaw kaya nagkaralamos.

Markos 5:13 ပူးပေါင်းရင်းမြစ်များ

1 Mga Hade 22:22

Hinapot nin Kagurangnan an espiritu, ‘Sa anong paagi?’ Asin nagsimbag siya, ‘Maduman ako asin magigin espiritung nagpuputik sa ngoso kan gabos niyang propeta.’ Nagtaram an Kagurangnan, ‘Dagkahon mo siya ta manggagana ka; lakaw saka giboha iyan.’”

An Libro ni Job 1:12

Sinabihan nin Kagurangnan si Satanas, “Ibinubugtak ko sa kapangyarihan mo an gabos niyang rogaring, alagad dai mo sana siya pagdotdoton.” Kaya naghale si Satanas sa atubang nin Kagurangnan.

An Libro ni Job 2:6

Kaya sinabihan nin Kagurangnan si Satanas, “Ibinubugtak ko siya sa saimong kapangyarihan, alagad dai mo siya paggadanon.”

Mateo 7:6

“Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

Mateo 8:32

Sinabihan sinda ni Jesus, “Paduman kamo.” Kaya luminuwas sinda sa mga lalaking idto asin luminaog sa mga orig. Biglang duminalagan an gabos na ini pasiring sa ampas; nahulog sinda sa danaw dangan nagkaralamos.

Markos 5:12

Nakiolay an mga maraot na espiritu ki Jesus, “Isubol mo na sana kami sa kaorigan saka tugotan mo kaming lumaog sainda.”

Markos 5:14

Nagdurulag an mga paraataman kan mga orig dangan ipinamareta sa banwa sagkod sa kaomahan an nangyari. Kaya nagduman an mga tawo tanganing hilingon an nangyari.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

1 Pedro 3:22

Nagsakat siya sa langit asin yaon sa too nin Dios; sakop niya an gabos na anghel, langitnon na mga awtoridad saka mga kapangyarihan.

Kapahayagan 20:7

Pakatapos kan sangribong taon, papaluwason si Satanas sa bilanggoan niya.

Kapahayagan 9:11

An anghel na namamahala kan dai matugkad na kairaroman iyo an hade ninda; an ngaran niya Abadon sa tataramon na Hebreyo; Apolion sa tataramon na Griyego, na an kahulogan, Paragadan.