Markos 4:41 - Marahay na Bareta Biblia

⁴¹ Inabotan sinda nin makuring takot dangan nagpasarabi-sabi, “Siisay an tawong ini na kinukuyog maski kan doros saka kan dagat?”

Markos 4:41 ပူးပေါင်းရင်းမြစ်များ

An Libro ni Job 38:11

Sinabihan ko an dagat, ‘Sagkod ka sana digdi, asin dai maglampas! Digdi maontok an saimong darakulang mga alon.’

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Malakias 2:5

“An tipan ko sainda sarong tipan nin buhay asin katoninongan; itinao ko iyan sainda, tanganing galangan ninda ako. Kaidto, iginalang ninda ako asin natakot sinda sako.

Mateo 14:32

Pakalunad nindang duwa sa sakayan, naglinaw an panahon.

Mateo 8:27

Nagngalas sinda gabos. “Anong klaseng tawo ini na kinukuyog maski kan doros saka dagat?” an sabi ninda.

Markos 4:40

Dangan sinabihan ni Jesus an mga disipulo, “Tadaw ta natatakot kamo? Mayo kamo nin pagtubod?”

Markos 5:1

Nag-abot sinda sa ibong kan Danaw nin Galilea sa teritoryo nin Gerasa.

Markos 5:33

Aram kan babae an nangyari saiya, kaya tinatakigan sa takot na nagdolok siya ki Jesus, nagluhod sa atubangan niya, dangan itinuga an bilog na katotoohan.

Markos 7:37

Nagngalas an gabos na nakadangog, “Marahay an paggibo niya kan gabos; maski an mga bongog pinadangog niya asin an mga pola pinataram niya,” an sabi ninda.

Lukas 4:36

Napangalas sinda gabos asin nagsarabi, “Anong mga tataramon ini? May awtoridad asin kapangyarihan na pinagbobotan niya an mga maraot na espiritu asin minaluwas an mga ini!”

Lukas 8:25

Dangan sinabihan niya an saiyang mga disipulo, “Haen an saindong pagtubod?” Nagngaralas sinda asin nagkatarakot; nagpasarabi-sabi sinda, “Siisay an tawong ini na kinukuyog maski kan doros asin kan dagat?”

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.