Markos 15:46 - Marahay na Bareta Biblia

⁴⁶ Nagbakal si Jose nin telang lino, tinanggal niya an bangkay, pinatos kan tela, dangan ilinubong sa lulubngan na tinuki sa dakulang gapo. Pakatapos, pinaligid niya an dakulang gapo tanganing serahan an pintoan kan lulubngan.

Markos 15:46 ပူးပေါင်းရင်းမြစ်များ

Isaias 22:16

“Siisay ka sa paghona mo? Ano an deretso mo na mag-ukit nin lulubngan para sa saimo sa magapong parte kan bulod?

Isaias 53:9

Ilinubong siya sa lulubngan kan mga tampalasan, ilinubong siya kaiba kan mayaman, maski dai lamang siya nakagibo nin krimen o nin kaputikan.”

Mateo 28:2

Biglang naglinog nin makosog huli ta may sarong anghel nin Kagurangnan na naghilig hale sa langit, nagduman sa lulubngan, pinaligid an gapo na nakatakop dangan tuminukaw sa ibabaw kaiyan.

Markos 15:45

Kan maaraman niya sa kapitan na talagang gadan na si Jesus, tinugotan niya si Jose na kuahon an bangkay.

Markos 15:47

Nagmamasid si Maria Magdalena saka si Maria na ina ni Jose, asin nahiling ninda kun saen ilinubong si Jesus.

Lukas 23:53

Tinanggal niya sa krus an bangkay, pinatos nin telang lino, dangan ilinubong sa dai pa lamang ginagamit na lulubngan na tinuki sa gapo.

Juan 11:38

Natanyog giraray an puso ni Jesus; nagrani siya sa lulubngan, sa lungib na natatakpan nin sarong gapo.

Juan 11:41

Hinale ninda an gapo. Nagtingkalag si Jesus dangan nagsabi, “Ama, nagpapasalamat ako saimo, ta dinadangog mo ako.

Juan 20:1

Madurudiklom pa kan Domingong aga, nagduman na si Maria Magdalena sa lulubngan. Nahiling niyang hinale na an gapong isenera sa pintoan kan lulubngan.