Markos 15:19 - Marahay na Bareta Biblia

¹⁹ Pinukpok ninda siya nin sugkod sa payo, pinaglutaban siya, saka pinagluhod-luhodan sa paggalang saiya.

Markos 15:19 ပူးပေါင်းရင်းမြစ်များ

Genesis 24:52

Kan madangog ini kan sorogoon, nagduko ini asin nagsamba sa Kagurangnan.

Genesis 43:28

Nagsimbag sinda, “Buhay pa siya asin marahay an kamugtakan.” Dangan nagruluhod sinda sa saiyang atubang.

1 Mga Hade 19:18

Alagad matada ako nin pitong ribo katawo sa Israel—an mga dai nagluhod ki Baal saka dai naghadok saiya.”

An Libro ni Job 13:9

Makakakua daw nin karahayan an Dios sa saindo kun siyasaton niya kamo? Madadaya daw nindo siya siring kan pagdaya nin sarong tawo sa saiyang kapwa?

Salmo 69:12

Linilibak ako kan mga nagtutukaw sa may trangkahan; an mga awit kan mga burat ako an pinapatamaan.

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 50:6

Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Isaias 52:14

Kadakul na tawo an nabigla kan mahiling siya; garo bako na siyang tawo, huli kan makuring nangyari sa saiyang pigura.

Mikas 5:1

Banwaan nin Jerusalem, tipona an saimong hukbo! Napapalibotan na kita! Sinasalakay ninda an lider nin Israel!

Mateo 27:30

Linutaban ninda siya, kinua an badas saka pinakol siya sa payo.

Markos 10:34

Tutuya-tuyaon siya ninda, lulutaban, hahampakon, saka gagadanon. Alagad sa ikatolong aldaw mabubuhay siya liwat.”

Markos 14:65

Linutaban si Jesus kan nagkapira sainda, tinahoban an saiyang mga mata dangan sinuntok. “Ukoda daw kun siisay an nagsuntok saimo!” an sabi ninda. Sinampaling man siya kan mga bantay.

Markos 15:18

Dangan nagpoon sindang mag-omaw saiya. “Mabuhay an Hade kan mga Judio!”

Markos 15:20

Pakapagparatuya-tuya saiya, hinubaan ninda siya kan gubing na kolor purpura saka sinulotan kan dati niyang gubing. Dangan ilinuwas ninda siya tanganing ipako sa krus.

Markos 9:12

Sinimbag niya sinda, “Si Elias mananggad an enot na madigdi tanganing ibalik sa dati an gabos na bagay. Alagad tadaw ta nasasabi sa mga Kasuratan na an Aki nin Tawo magtitios nin makuri asin isisikwal?

Lukas 22:63

Pinagtuya-tuya saka hinampak si Jesus kan mga nagbabantay saiya.

Lukas 23:11

Pinag-olog-olog saka pinagbasang-basang siya ni Herodes asin kan mga soldados kaini; dangan sinulotan siya nin magayon na gubing saka ibinalik ki Pilato.

Lukas 23:36

Pinagtuya-tuya man siya kan mga soldados; nagrani sinda saiya, inalok nin suka,

Roma 11:4

Alagad ano an simbag saiya nin Dios? “Nagtada ako para sako nin pitong ribo katawo na dai nagsamba sa dios-dios na si Baal.”

Filipos 2:10

Kaya sa ngaran ni Jesus, maluhod an gabos sa langit, sa daga saka sa irarom kan daga,

Hebreyo 13:13

Kaya magduman kita sa luwas kan kampo saka makidamay kita sa saiyang kasosopgan.