Markos 15:15 - Marahay na Bareta Biblia

¹⁵ Huli ta boot ni Pilato na mapaonrahan an mga tawo, pinaluwas niya si Barrabas. Dangan ipinalatigo niya si Jesus, asin itinao sainda tanganing ipako sa krus.

Markos 15:15 ပူးပေါင်းရင်းမြစ်များ

Salmo 129:3

Siring sa mga paraarado, linugad ninda an sakong likod; hararom an nagin mga lugad ko.

Salmo 57:11

O Dios, ipahiling mo sa kalangitan an saimong kadakulaan, asin sa bilog na daga an saimong kamurawayan.

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Isaias 50:6

Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Mateo 20:19

dangan itatao sa mga pagano. Pag-oolog-ologon siya kan mga ini, hahampakon, dangan ipapako sa krus; alagad sa ikatolong aldaw bubuhayon siya liwat.”

Mateo 27:26

Dangan pinaluwas ni Pilato si Barrabas; pakatapos na ipahampak si Jesus, itinao niya ini sainda tanganing ipako sa krus.

Markos 10:34

Tutuya-tuyaon siya ninda, lulutaban, hahampakon, saka gagadanon. Alagad sa ikatolong aldaw mabubuhay siya liwat.”

Markos 15:14

“Tadaw, anong karatan an naginibo niya?” an hapot ni Pilato. Alagad nagkurahaw sinda nin mas makosog, “Ipako siya sa krus!”

Lukas 18:33

Hahampakon ninda siya dangan gagadanon, alagad sa ikatolong aldaw mabubuhay siya liwat.”

Lukas 23:16

Kaya ipapahampak ko siya, dangan bubutasan.”

Juan 19:1

Dangan ipinakua ni Pilato si Jesus asin ipinahampak.

Juan 19:16

Pakatapos, itinao ni Pilato si Jesus sainda nganing ipako sa krus. Kaya kinua ninda si Jesus.

Mga Gibo 24:27

Pakalihis nin duwang taon, nagin kasalihid ni Felix si Porcio Festo bilang gobernador. Alagad huli ta habo ni Felix na mamondo saiya an mga Judio, pinabayaan niya si Pablo sa bilanggoan.

Mga Gibo 25:9

Alagad habo ni Festo na mamondo saiya an mga Judio, kaya hinapot niya si Pablo, “Boot mong sa Jerusalem taka bistahon?”

Galacia 1:19

Alagad dai akong nahiling na ibang apostol pwera ki Santiago na tugang nin Kagurangnan.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.