Markos 15:14 - Marahay na Bareta Biblia

¹⁴ “Tadaw, anong karatan an naginibo niya?” an hapot ni Pilato. Alagad nagkurahaw sinda nin mas makosog, “Ipako siya sa krus!”

Markos 15:14 ပူးပေါင်းရင်းမြစ်များ

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Isaias 53:9

Ilinubong siya sa lulubngan kan mga tampalasan, ilinubong siya kaiba kan mayaman, maski dai lamang siya nakagibo nin krimen o nin kaputikan.”

Mateo 27:19

Mantang nagtutukaw si Pilato duman sa hukoman, pinatogonan siya kan saiyang agom: “Dai ka makilabot sa matanos na tawong iyan, huli ta sa pangatorogan ko kasubanggi, nagtios ako nin makuri dahel saiya.”

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Mateo 27:54

Natakot nin makuri an kapitan asin an mga soldados na nagbabantay ki Jesus kan mamatean ninda an linog saka kan mahiling ninda an gabos na nangyari. Nagsabi sinda, “Totoo mananggad na Aki nin Dios an tawong ini!”

Markos 15:13

Nagkurahaw sinda, “Ipako siya sa krus!”

Markos 15:15

Huli ta boot ni Pilato na mapaonrahan an mga tawo, pinaluwas niya si Barrabas. Dangan ipinalatigo niya si Jesus, asin itinao sainda tanganing ipako sa krus.

Lukas 23:21

Alagad nagkurahaw sinda, “Ipako siya sa krus! Ipako siya sa krus!”

Lukas 23:4

Dangan sinabihan ni Pilato an mga poon na padi asin an mga tawo, “Mayo ako nin nakukuang kasalan sa tawong ini.”

Lukas 23:41

Tama an sentensya sato huli sa ginibo ta; alagad mayo siyang ginibong sala.”

Lukas 23:47

Kan an nangyaring ini mahiling kan kapitan na Romano, nag-omaw siya sa Dios saka nagsabi, “Totoo mananggad na mayo nin sala an tawong ini!”

Juan 18:38

“Ano an katotoohan?” an hapot ni Pilato. Pakataram kaini ni Pilato, nagluwas giraray siya dangan nagsabi sa mga tawo, “Mayo akong nakukuang sala sa saiya.

Juan 19:6

Pagkahiling ki Jesus kan mga poon na padi asin kan mga bantay, nagkurahaw sinda, “Ipako siya sa krus, ipako siya sa krus!” Sinabihan sinda ni Pilato, “Kuaha nindo siya asin ipako nindo sa krus, huli ta mayo akong nakukuang sala saiya.”

Mga Gibo 13:28

Mayo sindang nakuang dahelan na ipagadan si Jesus, alagad hinagad ninda ki Pilato na ipagadan siya.

Mga Gibo 19:34

Alagad kan maaraman ninda na saro siyang Judio, sarabay sindang nagkurahaw sa laog nin duwang oras, “Mabuhay si Diana, an diosa kan mga taga Efeso!”

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.