Markos 15:10 - Marahay na Bareta Biblia

¹⁰ Aram ni Pilato na si Jesus dinara saiya kan mga poon na padi dahel sa pagkaori.

Markos 15:10 ပူးပေါင်းရင်းမြစ်များ

Genesis 37:11

Kaya naori saiya an saiyang mga tugang alagad an bagay na ini pinaghorophorop kan saiyang ama.

Mga Talinhaga 27:4

Makuri saka nakakatakot an kaanggotan, alagad siisay an makakatagal sa pag-imon?

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Mateo 27:18

Huli ta aram ni Pilato na dinara ninda si Jesus saiya dahel sa pagkaori.

Markos 15:11

Alagad an mga tawo pinasunod kan mga poon na padi na hagadon ki Pilato na si Barrabas an paluwason.

Markos 15:9

Sinimbag sinda ni Pilato, “Boot nindong paluwason ko an hade kan mga Judio?”

Mga Gibo 13:45

Kan mahiling kan mga Judio an kadakul na tawo, naori sinda; kaya diniskutir ninda si Pablo saka sinupog.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

1 Juan 3:12

Dai ta pag-arogon si Cain; sadiri siya kan Maraot, asin ginadan niya an saiyang tugang. Tadaw ta ginadan ni Cain an saiyang tugang na si Abel? Huli ta an mga gibo ni Cain maraot, alagad an mga gibo kan saiyang tugang matanos.