Markos 14:65 - Marahay na Bareta Biblia

⁶⁵ Linutaban si Jesus kan nagkapira sainda, tinahoban an saiyang mga mata dangan sinuntok. “Ukoda daw kun siisay an nagsuntok saimo!” an sabi ninda. Sinampaling man siya kan mga bantay.

Markos 14:65 ပူးပေါင်းရင်းမြစ်များ

2 Mga Cronica 18:23

Kaya nagdolok an propetang si Zedekias asin sinampaling si Micaias. An sabi niya, “Kasuarin nagbalyo hale sako pasiring saimo an espiritu nin Kagurangnan tanganing magtaram saimo?”

Esther 7:8

Minadapa pa sana si Haman sa tukawan ni Esther kan magbalik an hade hale sa tatamnan. Pakahiling kaini, nagkurahaw an hade, “Lulupigan pa kan lalaking ini an reyna digdi mismo sa atubangan ko, sa sadiri kong palasyo?” Pakataram kaini kan hade, tinahoban tolos kan mga eunuko an payo ni Haman.

An Libro ni Job 30:10

Nauuyam asin naghaharayo sinda sako; mayong pagduwa-duwang minakuspa pakahiling sako.

Isaias 50:6

Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Isaias 52:14

Kadakul na tawo an nabigla kan mahiling siya; garo bako na siyang tawo, huli kan makuring nangyari sa saiyang pigura.

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Mikas 5:1

Banwaan nin Jerusalem, tipona an saimong hukbo! Napapalibotan na kita! Sinasalakay ninda an lider nin Israel!

Mga Bilang 12:14

Nagsimbag an Kagurangnan, “Kun linutaban siya sa lalawogon kan saiyang ama, bakong dadarahon niya an kasosopgan sa laog nin pitong aldaw? Pabayaan nindo siya sa luwas kan kampo sa laog nin pitong aldaw; pakatapos kaiyan pwede na siyang makalaog.”

Mateo 27:30

Linutaban ninda siya, kinua an badas saka pinakol siya sa payo.

Markos 10:34

Tutuya-tuyaon siya ninda, lulutaban, hahampakon, saka gagadanon. Alagad sa ikatolong aldaw mabubuhay siya liwat.”

Markos 15:19

Pinukpok ninda siya nin sugkod sa payo, pinaglutaban siya, saka pinagluhod-luhodan sa paggalang saiya.

Juan 18:22

Pakataram kaini ni Jesus, sinampaling siya kan saro kan mga bantay asin sinabihan, “Arog kaiyan an pagsimbag mo sa Halangkaw na Padi?”

Juan 19:3

Rinanihan siya ninda saka sinabihan, “Mabuhay an Hade kan mga Judio!” Dangan pinagparasampaling siya ninda.

Mga Gibo 23:2

An Halangkaw na Padi na si Ananias nagboot sa mga tawong nakatindog sa harani ni Pablo na suntokon siya sa ngoso.

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.