Markos 14:50 - Marahay na Bareta Biblia

⁵⁰ Dangan binayaan siya kan gabos na disipulo asin nagdurulag.

Markos 14:50 ပူးပေါင်းရင်းမြစ်များ

Salmo 38:11

Minarayo sako mga katood saka kataed, huli kan sakong mga lugad; dai minadolok maski sadiri kong pamilya.

Salmo 88:18

Ginibo mong bayaan ako kan sakong katood asin namomotan; an kadikloman iyo na sana an sakong kaibahan.

Isaias 63:3

Nagsisimbag an Kagurangnan, “Siring sa mga ubas, tinimaktimakan ko an mga nasyon, asin mayo nin nagtabang sako. Tinimaktimakan ko an mga nasyon sa sakong kaanggotan, asin namantsahan kan saindang dugo an sakong gubing.

Markos 14:27

Nagsabi si Jesus sainda, “Kamo gabos mabaya sako huli ta nasusurat, ‘Gagadanon ko an pastor, asin magkakawaragas an mga karnero.’

Markos 14:49

Aroaldaw kaiba nindo ako sa Templo nagtutukdo, asin dai nindo ako dinakop. Nangyayari ini nganing maotob an mga Kasuratan.”

Markos 14:51

May sarong hoben na lalaking nagsusunod ki Jesus, alagad nakaalikboy sana nin telang lino. Nadakop siya kan mga tawo,

Juan 16:32

Maabot an panahon—asin uya na ngunyan—na magkakasiriblag kamo, mapuruli kamo sa saindong mga harong, dangan babayaan nindo akong nagsosolo. Alagad dai ako nagsosolo, huli ta kaiba ko an Ama.

Juan 18:8

Nagsabi si Jesus, “Sinabi ko na saindong ako si Jesus. Kun ako an hinahanap nindo, pabayae nindong maghale ining iba.” (

2 Timoteo 4:16

Mayo lamang nin nagdamay sako sa enot kong pagdepensa; binayaan ako kan gabos. Patawadon logod sinda nin Dios!