Markos 14:41 - Marahay na Bareta Biblia

⁴¹ Sa ikatolong beses binalikan sinda ni Jesus dangan sinabihan, “Torog pa giraray kamo? Nagpapahingalo pa kamo? Tama na iyan! Oras na; an Aki nin Tawo itatao sa kamot nin mga parakasala.

Markos 14:41 ပူးပေါင်းရင်းမြစ်များ

1 Mga Hade 18:27

Kan odto na, pinonan sindang tuyatuyaon ni Elias. An sabi niya, “Kosogon nindo an pagpamibi! Saro siyang dios! Tibaad may iniisip siya o may ibang ginigibo. Tibaad nasa paglakaw siya o kaya natotorog, asin kaipuhan pukawon!”

1 Mga Hade 22:15

Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Ezekiel 20:39

Ini an tataramon nin Kagurangnan Dios: “Kamong mga Israelita, kun boot nindo, lakaw asin paglingkodan nindo an saindong mga dios-dios! Alagad pinapatanidan ko kamo na pakatapos kaiyan, kaipuhan kuyogon nindo ako asin ontokon nindo an pagdigta sa banal kong ngaran sa paagi nin pagdolot nin mga atang sa saindong mga dios-dios.

Mateo 26:2

“Aram nindo na duwang aldaw na sana asin pyesta na kan Paskwa. An Aki nin Tawo itatao tanganing ipako sa krus.”

Markos 14:10

Duminuman sa mga poon na padi si Judas Iscariote, saro sa doseng disipulo, tanganing ipasaluib si Jesus.

Markos 14:18

Mantang nagkakakan sinda, nagsabi si Jesus, “Sa katotoohan sinasabihan ko kamo, na kasabay ko sa pagkakan an mapasaluib sako.”

Markos 14:35

Nag-oroenotan siya, nagdapa sa daga saka namibi, na kun mahihimo, palihison saiya an oras nin kasakitan.

Markos 14:40

Dangan binalikan niya giraray an mga disipulo alagad inabotan niya sindang tororog na naman, huli ta grabe an pirot ninda. Dai ninda aram kun ano an isisimbag saiya.

Markos 14:42

Bangon na kamo ta maduman na kita. Uya na an mapasaluib sako!”

Markos 7:9

Nagpadagos si Jesus nin pagtaram, “Marahay an paagi nindo nin pagsikwal kan katogonan nin Dios tanganing mapahalagahan sana an sadiri nindong tradisyon!

Markos 9:31

huli ta pinagtutukdoan niya an saiyang mga disipulo. Sinabihan niya sinda, “An Aki nin Tawo itatao sa mga tawo, dangan gagadanon siya ninda; alagad sa ikatolong aldaw mabubuhay siya liwat.”

Juan 12:23

Nagsabi si Jesus, “Nag-abot na an oras na papamurawayon an Aki nin Tawo.

Juan 12:27

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan.

Juan 17:1

Pakataram kaini ni Jesus, nagtingkalag siya sa langit asin nagsabi, “Ama, nag-abot na an oras. Pamurawaya an saimong Aki tanganing pamurawayon ka kan Aki.

Juan 7:30

Boot nindang dakopon siya, alagad mayong nangahas magdakop saiya, huli ta bako pa idto an oras niya.

Juan 8:20

Sinabi ni Jesus an mga bagay na ini kan nagtutukdo siya sa Templo, harani sa lugar na namumugtakan kan lalagan kan limos. Mayong nangahas na magdakop saiya, huli ta dai pa nag-abot an saiyang oras.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.

Hukom 10:14

Lakaw kamo, asin duman pag-agrangay sa mga pinili nindong mga dios-dios. Sinda an magligtas saindo sa panahon kan saindong kasakitan.”