Markos 14:31 - Marahay na Bareta Biblia

³¹ Nagsimbag si Pedro nin mas makosog, “Dai taka nanggad nenegaran, maski pa ako magadan kaiba mo!” Siring man an sinabi kan ibang mga disipulo.

Markos 14:31 ပူးပေါင်းရင်းမြစ်များ

1 Mga Hade 11:22

“Igwa daw ako nin pagkukulang saimo kaya boot mong magbalik sa saimong banwa?” an hapot kan hade. “Tugote sana akong magbalik,” an simbag ni Hadad sa hade. Kaya nagbalik siya sa saiyang daga. Bilang hade nin Edom, si Hadad nagin maraot saka makuring kaiwal nin Israel.

2 Mga Hade 8:13

“Siisay ako na magibo kan mangirhat na bagay na iyan?” an hapot ni Hazael. “Ipinahiling sako nin Kagurangnan na magigin hade ka nin Siria,” an simbag ni Eliseo.

Salmo 30:6

Sa sakong kauswagan, nagsaboot ako, “Dai nanggad ako matatanyog.”

Exodo 19:8

Sarabay na nagsimbag an mga tawo, “Gigibohon mi an gabos na itinaram nin Kagurangnan,” asin ibinareta ni Moises sa Kagurangnan an simbag kan mga tawo.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Jeremias 10:23

Kagurangnan, naaraman ko na an tawo bakong kagurangnan kan sadiri niyang aabotan; bakong kapot nin tawo an sadiri niyang buhay.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Mateo 10:33

Alagad an siisay man na magnegar sako sa atubang nin mga tawo, nenegaran ko man sa atubang nin sakong Ama sa langit.

Markos 10:39

Nagsimbag sinda, “Kaya mi.” Nagtaram si Jesus, “Iinomon man nanggad nindo an kalis na iinomon ko asin makakapabunyag kamo kan ibubunyag sako.

Markos 14:30

Sinabihan siya ni Jesus, “Sa katotoohan sinasabihan taka, na ngunyan mismong banggi bago magturaok an manok nin duwang beses, tolong beses mo akong nenegaran.”

Markos 14:32

Nagduman sinda sa sarong lugar na inaapod Getsemani asin sinabihan ni Jesus an mga disipulo, “Digdi sana kamo mantang namimibi ako.”

Lukas 23:23

Alagad orog sindang nagkurahaw na si Jesus ipako sa krus, asin naotob an saindang kahagadan.

Juan 13:37

Naghapot si Pedro, “Kagurangnan, tadaw ta dai ako makakasunod saimo ngunyan? Idudusay ko an sakong buhay para saimo!”