Markos 14:30 - Marahay na Bareta Biblia

³⁰ Sinabihan siya ni Jesus, “Sa katotoohan sinasabihan taka, na ngunyan mismong banggi bago magturaok an manok nin duwang beses, tolong beses mo akong nenegaran.”

Markos 14:30 ပူးပေါင်းရင်းမြစ်များ

Genesis 1:13

Nagkahapon dangan nagkaaga: an ikatolong aldaw.

Genesis 1:19

Nagkahapon dangan nagkaaga: an ikaapat na aldaw.

Genesis 1:23

Nagkahapon dangan nagkaaga: an ikalimang aldaw.

Genesis 1:5

dangan inapod niyang “Aldaw” an liwanag, asin an kadikloman inapod niyang “Banggi.” Nagkahapon dangan nagkaaga: an enot na aldaw.

Genesis 1:8

An kahiwasan inapod niyang “Kalangitan.” Nagkahapon dangan nagkaaga: an ikaduwang aldaw.

Mateo 26:34

Sinabihan siya ni Jesus, “Sa katotoohan sinasabihan taka, ngunyan mismong banggi, bago magturaok an manok, tolong beses mo akong nenegaran.”

Markos 13:35

Kaya ngani magbantay kamo, huli ta dai nindo aram kun nuarin maabot an kagsadiri—tibaad banggi, o matangang banggi o maaga o pagsirang kan aldaw.

Markos 14:29

Nagsimbag si Pedro, “Maski an gabos magbaya saimo, dai taka nanggad babayaan!”

Markos 14:31

Nagsimbag si Pedro nin mas makosog, “Dai taka nanggad nenegaran, maski pa ako magadan kaiba mo!” Siring man an sinabi kan ibang mga disipulo.

Lukas 22:34

Nagsimbag si Jesus, “Sinasabihan taka, Pedro, ngunyan mismong banggi, bago magturaok an manok, tolong beses kang manegar na midbid mo ako.”

Juan 13:38

Sinimbag siya ni Jesus, “Idudusay mo an saimong buhay para sako? Sa katotoohan sinasabihan taka, bago magturaok an manok, tolong beses mo akong nenegaran.”

Juan 18:17

Hinapot si Pedro kan babae, “Bakong saro ka man sa mga disipulo kan tawong iyan?” “Bako,” an simbag ni Pedro.

1 Corinto 10:12

Kaya an naghohona na pusog an tindog niya, maglikay ta tibaad siya matumba.