Markos 14:11 - Marahay na Bareta Biblia

¹¹ Naogma an mga poon na padi pakadangog saiya, kaya nanuga sinda na tatawan siya nin kwarta. Poon kaidto naghanap si Judas nin oportunidad na ikapadakop si Jesus.

Markos 14:11 ပူးပေါင်းရင်းမြစ်များ

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

2 Mga Hade 5:26

Alagad nagsabi si Eliseo, “Bakong idtoon ako sa espiritu kan maghilig sa saiyang karwahe an lalaki sa pagsabat saimo? Bako ini an panahon tanganing mag-ako nin kwarta asin mga gubing, nin kaolibahan saka mga ubasan, nin mga karnero saka mga baka, o mga sorogoon!

Oseas 7:3

Nagsasabi an Kagurangnan, “Dinadaya kan mga tawo an hade asin an saiyang mga opisyal huli kan saindang mga maraot na plano.

Mateo 26:14

Saro kan doseng disipulo, na an ngaran Judas Iscariote, an nagduman sa mga poon na padi

Mateo 26:15

asin nagsabi, “Pira an ibabayad nindo sako kun itao ko saindo si Jesus?” Asin binayadan ninda siya nin treyntang pedaso nin kwartang plata.

Markos 14:10

Duminuman sa mga poon na padi si Judas Iscariote, saro sa doseng disipulo, tanganing ipasaluib si Jesus.

Markos 14:12

Sa enot na aldaw kan Pyesta kan Tinapay na Mayo nin Lebadura, an aldaw na pinagbobono an mga kordero paskwal, hinapot si Jesus kan mga disipulo, “Saen mo boot na andamon mi an saimong pamanggihan sa Paskwa?”

Lukas 22:3

Dangan linaog ni Satanas si Judas na inaapod Iscariote, na saro kan doseng disipulo.

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.