Markos 13:24 - Marahay na Bareta Biblia

²⁴ “Pakalihis kan panahon nin kasakitan, madiklom an aldaw, dai na maliwanag an bulan,

Markos 13:24 ပူးပေါင်းရင်းမြစ်များ

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Jeremias 4:28

Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Ezekiel 32:7

Sa panahon na gadanon taka, tatahoban ko an kalangitan asin papadiklomon ko an mga bitoon. An aldaw matago sa mga panganoron asin an bulan dai matao nin liwanag.

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Daniel 7:10

Hale sa saiyang trono nagbubulos an sarong salog nin kalayo. Yaon duman an ribo-ribong tawo na naglilingkod saiya, asin an milyon-milyon na nagtitindog sa saiyang atubang. Nagbukas an korte sa pagdangog kan mga kaso, asin binukasan an mga libro.

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Joel 3:15

An aldaw saka an bulan nagdidiklom, asin dai na nagliliwanag an mga bitoon.

Amos 5:20

An aldaw nin Kagurangnan madara nin kadikloman asin bakong kaliwanagan; iyan magigin sarong aldaw nin kamondoan, na mayo nin anoman na kaogmahan.

Markos 13:23

Mag-ingat kamo! Sinasabi ko na saindo an gabos bago iyan mangyari.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.

2 Pedro 3:12

mantang naghahalat saka maigot na nagmamawot kamo kan Aldaw nin Dios, an aldaw na an kalangitan asin an gabos na yaon diyan matutunaw sa kalayo.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.