Markos 13:15 - Marahay na Bareta Biblia

¹⁵ An tawong yaon sa atop kan saiyang harong dai na dapat maglaog sa harong tanganing kumua nin anoman.

Markos 13:15 ပူးပေါင်းရင်းမြစ်များ

Genesis 19:22

Alagad maghidali ka, huli ta dai akong magiginibo sagkod na dai ka pa nakakaabot duman.” Kaya an lugar nginaranan Zoar huli ta inapod ini ni Lot na sadit.

Genesis 19:26

Alagad nagsalingoy an agom ni Lot kaya nagin sarong hariging asin siya.

An Libro ni Job 2:4

Nagsimbag si Satanas, “Itatao nin tawo an gabos tanganing mabuhay sana.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Markos 13:16

An tawong nasa oma dai na dapat magpuli sa harong niya tanganing kumua nin gubing.

Mga Gibo 27:38

Pakakakan ninda, ihinulog ninda an trigo sa dagat tanganing gumian an barko.

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.