Markos 12:6 - Marahay na Bareta Biblia

⁶ An natatada na sana na masusugo iyo an saiyang namomotan na aking lalaki; dangan siya na an sinugo sainda. Nagsabi siya, ‘Igagalang ninda an sakong aki.’

Markos 12:6 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 22:2

Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

Genesis 37:3

Orog na namotan ni Jacob si Jose ki sa gabos niyang aki, huli ta namundag ini kan gurang na siya; iginibo niya ini nin sarong halabang gubing na may manggas.

Genesis 44:20

dangan sinimbag mi ika nin, ‘Igwa pa kami nin ama na gurang na asin nin sarong tugang na namundag saiya kan siya gurang na. Gadan na an tugang kan ngohod mi, asin siya na sana an buhay sa mga aki kan saiyang ina; namomotan siya nin marahay kan saiyang ama.’

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 2:7

Ihahayag ko an dekreto nin Kagurangnan: Nagtaram siya sako, “Ika an sakuyang aki, ngunyan na aldaw nagin ama mo ako.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Mateo 26:63

Alagad dai naggirong si Jesus. Sinabihan siya kan Halangkaw na Padi, “Sa ngaran kan buhay na Dios, magsumpa ka: sabihan samo ngunyan kun ika mananggad an Cristo, an Aki nin Dios.”

Mateo 3:17

Dangan may tingog hale sa langit na nagsabi, “Ini an namomotan kong Aki na sakong ikinakaogma.”

Markos 1:11

Dangan nagsabi an sarong tingog hale sa langit, “Ika an sakong namomotan na Aki na sakong ikinakaogma.”

Markos 12:5

Nagsugo siya nin saro pang sorogoon, alagad ginadan ninda ini. Siring man an ginibo ninda sa iba pang sinugo niya; may linanog, may ginadan.

Markos 12:7

Alagad an mga tumatawo nag-orolay-olay, ‘Iyo ini an aki kan kagsadiri. Madya kamo, gadanon ta siya tanganing mapasato an ubasan!’

Markos 9:7

Dangan linindongan sinda nin sarong panganoron asin sarong tingog an naghale sa panganoron, “Ini an Aki kong namomotan; dangoga nindo siya!”

Lukas 3:22

dangan naghilig saiya an Espiritu Santo arog sa salampati. Dangan may sarong tingog hale sa langit na nagsabi, “Ika an namomotan kong Aki na sakong ikinakaogma.”

Lukas 9:35

Dangan may tingog hale sa panganoron na nagsabi, “Iyo ini an sakong Aki, an pinili ko; dangoga nindo siya!”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 1:34

Talagang nahiling ko ini; nagsasaksi ako na siya iyo an Aki nin Dios.”

Juan 1:49

Nagsabi si Natanael, “Rabbi, totoong ika an Aki nin Dios! Ika an Hade nin Israel!”

Juan 3:35

Namomotan kan Ama an Aki, asin an gabos na bagay itinatao niya sa kamot kan Aki.

Juan 5:23

tanganing galangan kan gabos an Aki, arog kan paggalang ninda sa Ama. An dai minagalang sa Aki dai man minagalang sa Ama na nagsugo saiya.

Hebreyo 1:6

Kan madali nang ipadara nin Dios sa kinaban an panganay niyang Aki, nagsabi siya, “Dapat siyang sambahon kan gabos na anghel nin Dios.”

1 Juan 4:9

Ipinahiling sato nin Dios an saiyang pagkamoot kan sugoon niya sa kinaban an bugtong niyang Aki, tanganing sa paagi niya magkaigwa kita nin buhay.

3 Juan 1:1

Surat hale sa Magurang— Para ki Gayo na tunay kong namomotan.