Markos 12:26 - Marahay na Bareta Biblia

²⁶ Dapit naman sa pagkabuhay-liwat, dai pa nindo nabasa sa libro ni Moises an manongod sa kahoy na naglalaad? Nasusurat sa librong idto an sinabi nin Dios ki Moises: ‘Ako an Dios ni Abraham, ni Isaac asin ni Jacob.’

Markos 12:26 ပူးပေါင်းရင်းမြစ်များ

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Genesis 32:9

Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako.

Genesis 33:20

Nagpatindog siya nin altar duman asin nginaranan niyang El-Elohe-Israel.

Exodo 3:16

Lakaw asin tipona an mga lider nin Israel dangan sabihan mo sinda na Ako, an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob nagpahiling saimo. Sabihan mo na dinalaw ko sinda asin nahiling ko kun ano an ginigibo sainda kan mga Egipcio.

Markos 12:10

Nabasa na nindo an kasuratan na ini? ‘An gapo na isinikwal kan mga paratugdok iyo an nagin patugmadan na gapo.

Markos 12:25

Huli ta sa pagkabuhay-liwat dai na sinda mag-aaragoman; magigin arog sinda sa mga anghel sa langit.

Lukas 20:37

Malinaw na pinatunayan ni Moises na an gadan mabubuhay liwat. Sa kasuratan dapit sa naglalaad na sadit na kahoy, inaapod niyang Kagurangnan an Dios ni Abraham, ni Isaac, asin ni Jacob.

Juan 20:17

Sinabihan siya ni Jesus, “Dai mo ako pagkapotan ta dai pa ako nakakasakat duman sa sakong Ama. Alagad dumuman ka sa mga tugang ko saka sabihan mo sinda na masakat na ako duman sa sakong Ama asin saindong Ama, sa sakong Dios asin saindong Dios.”

Roma 11:2

Dai isinikwal nin Dios an saiyang banwaan na pinili niya poon pa kaidto. Dai daw nindo aram an sinasabi kan kasuratan dapit ki Elias? Isinumbong niya sa Dios an mga taga Israel.