Markos 12:2 - Marahay na Bareta Biblia

² Pag-abot kan tiggunoan kan ubas, sinugo niya an saro niyang sorogoon sa saiyang mga tumatawo tanganing kuahon sainda an kahirasan.

Markos 12:2 ပူးပေါင်းရင်းမြစ်များ

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Cronica 36:15

An Kagurangnan, an Dios kan saindang mga ginikanan, danay na nagsugo nin mga propeta tanganing patanidan sinda, huli ta boot niyang iligtas sinda saka an Templo.

Esdras 9:11

na itinao mo samo sa paagi kan mga propeta na saimong mga sorogoon. Sinabihan ninda kami na, “An daga na saindong lalaogon asin sasadirihon sarong maating daga. Magpoon sa sarong poro kaiyan sagkod sa saro pang poro, pano iyan nin mga tawo na naggigibo nin makauuyam na mga bagay.

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Zacarias 7:7

Iyo ini an itinaram nin Kagurangnan sa paagi kan mga naenot na mga propeta kan panahon na mauswag pa an Jerusalem asin pano ini nin mga tawo, dangan kan panahon na an mga banwa sa palibot kan syudad kadakul an nag-eerok siring man an rehiyon sa habagat saka an mga kababan sa solnopan.

Mateo 21:34

Pag-abot kan tiggunoan, sinugo niya an saiyang mga sorogoon nganing kuahon an kahirasan niya.

Markos 12:1

Dangan nagtaram si Jesus sainda sa paagi nin mga parabola, “Igwa nin sarong tawo na nagtanom nin ubas sa saiyang ubasan, kinudal niya iyan, saka naggibo nin gilingan nin ubas. Nagtugdok pa siya nin sarong bantayan. Dangan ipinaataman niya an ubasan na ini sa mga tumatawo asin nagduman siya sa ibang lugar.

Markos 12:3

Alagad pinugol ninda an sorogoon, hinampak dangan pinapuli na mayong dara.

Lukas 12:48

Alagad an sorogoon na dai nakakaaram kan kabotan kan saiyang kagurangnan, asin naggibo nin anoman na maninigo nin padusa, hahampakon nin kadikit. An pinaniwalaan nin dakul, hahanapan nin dakul; an pinaniwalaan nin mas dakul, hahanapan man nin mas dakul.

Lukas 20:10

Pag-abot kan tiggunoan kan ubas, sinugo niya an saro niyang sorogoon tanganing kuahon an kahirasan niya sa mga tumatawo. Alagad hinampak kan mga tumatawo an sorogoon dangan pinapuli na mayong dara.

Hebreyo 1:1

Kaidtong panahon, sa kadakul na beses asin sa manlaen-laen na paagi, nagtaram an Dios sa satong mga ginikanan huli kan mga propeta.