Markos 11:20 - Marahay na Bareta Biblia

²⁰ Pagkaaga, mantang naglalakaw sinda, nahiling nindang alang na sagkod sa gamot an kahoy na higera.

Markos 11:20 ပူးပေါင်းရင်းမြစ်များ

An Libro ni Job 8:17

An saindang mga gamot minapuropot sa kagapoan asin nangangapot sa lambang gapo.

Isaias 40:24

Arog sinda sa mga saradit na mga tinanom, na itinanom pa sana asin nagpopoon pa sanang maggamot. Kun minasubol nin doros an Kagurangnan, naaalang sinda asin ipinapalid arog sa dagami.

Isaias 5:4

Ano pa an dapat kong gibohon para sa sakong ubasan, na dai ko ginibo? Kan maghanap ako nin mahamis na ubas, tano ta maalsom an ubas na ibinunga kaiyan?

Mateo 13:6

Alagad pagsirang kan aldaw nagkaaralang idto huli ta dai nakagamot nin hararom.

Mateo 15:13

Nagsimbag si Jesus, “An arin man na tanom na dai itinanom nin sakong Ama sa langit, gagaboton.

Mateo 21:18

Pagkaaga, kan pabalik na si Jesus sa syudad, nagutom siya.

Markos 11:12

Kan sunod na aldaw, mantang naglalakaw sinda hale sa Betania, nagutom si Jesus.

Markos 11:14

Sinabihan niya an kahoy na higera, “Sagkod pa man mayo nin makakan kan bunga mo!” Nadangog ini kan mga disipulo.

Juan 15:6

An dai magdanay sako iaapon saka naaalang arog kan sanga. An siring na mga sanga tinitipon dangan isinusugba sa kalayo.

Hebreyo 6:8

Alagad kun an minatalubo diyan mga tonok saka mga doot, mayong pakinabang an dagang iyan; pwedeng maldisyonon iyan nin Dios; asin sa kataposan, susuloon.

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.