Markos 10:51 - Marahay na Bareta Biblia

⁵¹ Hinapot siya ni Jesus, “Ano an boot mong gibohon ko para saimo?” Nagsimbag an buta, “Maestro, boot kong makahiling.”

Markos 10:51 ပူးပေါင်းရင်းမြစ်များ

2 Mga Cronica 1:7

Kan bangging idto, nagpahiling an Dios ki Solomon asin naghapot, “Ano an boot mong itao ko saimo?”

Mateo 23:7

boot nindang pagtawan nin galang sa mga plasa asin pag-apodon na mga ‘Paratukdo.’

Mateo 23:8

Dai kamo magpaapod na ‘Paratukdo,’ huli ta saro sana an saindong Paratukdo asin kamo gabos magturugang.

Mateo 6:8

Dai nindo sinda pag-arogon huli ta aram na kan saindong Ama an kaipuhan nindo bago nindo hagadon iyan saiya.

Mateo 7:7

“Maghagad kamo asin tatawan kamo; maghanap asin makukua nindo; tumuktok asin bubuksan kamo.

Markos 10:36

Hinapot sinda ni Jesus, “Ano an boot nindong gibohon ko para saindo?”

Markos 10:50

Hinukas kan buta an saiyang alikboy, paluksong nagtindog saka nagdolok ki Jesus.

Juan 20:16

Nagsabi si Jesus, “Maria!” Nag-atubang siya ki Jesus dangan nagsabi sa tataramon na Hebreyo, “Rabboni!” (An kahulogan kaini, “Maestro.”)

Mga Gibo 23:19

Kinabit kan komandante an hoben, irinayo dangan hinapot, “Ano an sasabihon mo sako?”

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.