Markos 10:38 - Marahay na Bareta Biblia

³⁸ Sinabihan sinda ni Jesus, “Dai nindo aram kun ano an hinahagad nindo. Makakainom daw kamo kan kalis na iinomon ko? Makakapabunyag daw kamo kan bunyag na aakoon ko?”

Markos 10:38 ပူးပေါင်းရင်းမြစ်များ

1 Mga Hade 2:22

“Tadaw ta hinahagad mo na itao ko saiya si Abisag?” an hapot kan hade. “Hagadon mo na man para saiya pati an kahadean huli ta matua ko siyang tugang asin kakampi niya an padi na si Abiatar saka si Joab na aking lalaki ni Zeruias.”

Salmo 75:8

Kapot nin Kagurangnan an sarong kalis, pano nin maisog na arak nin saiyang kaanggotan. Iuula niya iyan, asin iinomon kan gabos na tampalasan; iinomon sagkod na maubos.

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Jeremias 25:15

An Kagurangnan, an Dios nin Israel, nagtaram sako, “Uya an kalis na pano kan sakong kaanggotan. Darahon mo ini sa gabos na nasyon na papadumanan ko saimo saka painomon mo sinda.

Jeremias 45:5

Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Mateo 26:39

Nag-oroenotan pa siya, nagdapa sa daga saka namibi, “Ama ko, kun mahihimo pa sana, palihisa sako an kalis na ini! Alagad bakong an kabotan ko kundi an kabotan mo an kuyogon.”

Mateo 3:6

Itinuga ninda an saindang mga kasalan, dangan binunyagan sinda ni Juan duman sa Salog nin Jordan.

Markos 14:36

Namibi siya, “Ama ko! An gabos na bagay mahihimo mo. Irayo mo sako an kalis na ini. Alagad bakong an kabotan ko kundi an kabotan mo an kukuyogon.”

Lukas 12:50

Igwa akong bunyag na aakoon, asin napupurisaw ako sagkod na dai iyan maotob!

Lukas 22:42

Nagsabi siya, “Ama, kun boot mo, irayo mo sako an kalis na ini. Alagad bakong an kabotan ko kundi an kabotan mo an kukuyogon.”

Juan 18:11

Sinabihan ni Jesus si Pedro, “Sarongan an espada mo! Dai ko daw iinomon an kalis na itinao sako kan Ama?”

Roma 8:26

Siring man tinatabangan kita kan Espiritu sa satong mga kaluyahan. Dai kita tataong mamibi siring sa maninigo, alagad an Espiritu na mismo an nakikimaherak sa Dios para sato, sa mga inagrangay na dai ta ikakapahayag sa mga tataramon.

Santiago 4:3

Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.