Markos 10:24 - Marahay na Bareta Biblia

²⁴ Nagngaralas an mga disipulo sa tataramon niyang ini, alagad nagpadagos si Jesus sa pagtaram, “Mga aki ko, talagang masakit an paglaog sa Kahadean nin Dios!

Markos 10:24 ပူးပေါင်းရင်းမြစ်များ

Salmo 17:14

ligtasan ako kan saimong kamot, Kagurangnan, sa mga tawo na an kabtang sa buhay yaon digdi sa kinaban. Padusahan mo sinda kan mga pasakit na saimong inandam. May matada pa logod para sa saindang kaakian, asin para sa saindang kapagarakian.

Salmo 52:7

“Hilinga an lalaki na habong gibohon an Dios bilang saiyang pailihan, kundi nagsarig sa kadakulan kan saiyang kayamanan, asin naglaom sa sadiring kasombikalan.”

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Mga Talinhaga 11:28

An nananarig sa saiyang kayamanan mararakdag arog sa alang na dahon, alagad mag-uuswag an matanos arog sa berdeng tinanom.

Mga Talinhaga 18:11

Alagad naghohona an tawong mayaman na an kayamanan niya an mag-iingat saiya, arog kan halangkaw asin makosog na mga kudal sa palibot nin syudad.

Mga Talinhaga 23:5

Pwedeng bigla sanang mawara an saimong kwarta, na garo nagkaigwa ini nin mga pakpak saka luminayog paharayo arog kan agila.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Habakkuk 2:9

Herak man saindo na nagpayaman kan saindong mga pamilya, huli sa mga nakua nindo sa paagi nin kadahasan! Hiningowa nindong magin ligtas an sadiri nindong harong,

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Mateo 19:25

Napangalas nin marahay an mga disipulo pagkadangog kaini. Kaya hinapot ninda siya, “Kun siring siisay an makakaligtas?”

Markos 1:27

Nagngalas nin marahay an mga tawo asin nagharapotan sinda, “Ano ini, bagong katukdoan? An tawong ini may kapangyarihan na magboot sa mga maraot na espiritu asin minakuyog sinda saiya!”

Markos 10:23

Nangalagkalag si Jesus dangan sinabihan an mga disipulo niya, “Masakit na gayo para sa mga mayaman na makalaog sa Kahadean nin Dios.”

Lukas 16:14

Nadangog ini gabos kan mga Fariseong makikwarta, kaya pinagngisihan ninda si Jesus.

Juan 13:33

Mga aki ko, dikit na sanang panahon akong makakaiba nindo. Hahanapon nindo ako; alagad sinasabi ko saindo ngunyan an sinabi ko sa mga Judio, ‘Dai kamo makakaduman sa padudumanan ko.’

Juan 21:5

Hinapot sinda ni Jesus, “Mga aki, may nadakop lamang kamo?” Nagsimbag sinda, “Mayo lamang.”

Juan 6:60

Kan nadangog ini kan kadaklan kan saiyang mga disipulo, nagsarabi sinda, “Masakit an mga tataramon na ini; siisay an makakaako kaiyan?”

Galacia 4:19

Namomotan kong mga aki, huli saindo namamatean ko giraray an sakit na inaagihan nin sarong inang nangangaki, sagkod na dai pa nasa saindo si Cristo.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

1 Juan 2:1

Isinusurat ko ini saindo, mga aki ko, tanganing dai kamo magkasala. Alagad kun may magkasala, igwa nin nakikimaherak para sato sa atubang kan Ama—si Jesu-Cristo, an matanos.

1 Juan 4:4

Alagad sadiri kamo nin Dios, mga aki. Dinaog na nindo an mga bakong tunay na propeta, huli ta an Espiritu na yaon saindo mas mapangyari ki kan espiritu na yaon sa mga tawong sadiri kan kinaban.

1 Juan 5:21

Mga aki, maglikay kamo sa mga dios-dios.

Kapahayagan 3:17

An sabi mo mayaman ka, nag-uswag ka, dai ka nagkakaipo nin anoman. Alagad dai mo aram na saro kang daing sukat, makaheherak, dukha, huba saka buta!