Markos 10:18 - Marahay na Bareta Biblia

¹⁸ Naghapot si Jesus saiya, “Tadaw ta inaapod mo akong marahay? Mayong marahay kundi an Dios sana.

Markos 10:18 ပူးပေါင်းရင်းမြစ်များ

Salmo 119:68

Marahay ka asin naggigibo nin karahayan; tukdoe ako kan saimong mga kabotan.

Salmo 145:9

Siya marahayon sa gabos asin maheherakon sa gabos niyang linalang.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Mateo 19:17

Nagsimbag si Jesus, “Tadaw ta naghahapot ka sako kun ano an marahay? Saro sana an marahay—an Dios. Kun boot mong magkamit nin buhay otoba an mga togon.”

Markos 10:17

Kan malarga na si Jesus, may sarong lalaking nagdalagan pasiring saiya, nagluhod sa atubangan niya dangan naghapot, “Marahay na Maestro, ano an dapat kong gibohon tanganing magkamit ako nin buhay na daing kataposan?”

Markos 10:19

Tatao ka kan mga togon: ‘Dai ka maggadan; dai ka magdorog sa bako mong agom; dai ka maghabon; dai ka magsaksi nin putik; dai ka magdaya; galangan mo an saimong ama asin ina.’”

Lukas 18:19

Sinimbag siya ni Jesus, “Tadaw ta inaapod mo akong marahay? Mayong marahay kundi an Dios sana.

Roma 3:12

Gabos sinda nagbaya sa Dios, gabos nagkasala. Mayong naggigibo nin marahay, mayo maski saro.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

1 Juan 4:16

Aram ta saka nananarig kita sa pagkamoot nin Dios sato. An Dios pagkamoot, asin an tawong nagdadanay sa pagkamoot nagdadanay sa Dios, asin an Dios nagdadanay saiya.

1 Juan 4:8

An tawong dai namomoot, dai nakakamidbid sa Dios, huli ta an Dios pagkamoot.

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.