Markos 1:41 - Marahay na Bareta Biblia

⁴¹ Naherak saiya si Jesus, inunat an saiyang kamot, dinutaan an daoton asin sinabihan, “Boot ko! Magin malinig ka!”

Markos 1:41 ပူးပေါင်းရင်းမြစ်များ

Genesis 1:3

Nagboot an Dios, “Magkaigwa nin liwanag,” asin nagkaigwa nin liwanag.

Salmo 33:9

Kan magtaram siya, nahaman an kinaban; sa saiyang pagboot, nalalang an gabos.

Mateo 9:36

Kan mahiling niya an kadakul na tawo, naherak siya sainda, huli ta nalalagalag sinda asin mga makaheherak, garo mga karnero na mayong pastor.

Markos 1:40

Nagdolok ki Jesus an sarong daoton, nagluhod saka nakimaherak na tabangan. “Kun boot mo, malilinigan mo ako,” an sabi kan daoton.

Markos 1:42

Nahale tolos an daot asin nagin malinig an lalaki.

Markos 4:39

Nagbangon si Jesus, sinaway an doros dangan sinabihan an dagat, “Magtoninong ka! Ontok!” Nagtoninong an doros saka nagkalma.

Markos 5:41

Kinapotan niya an kamot kan daragita saka sinabihan, “Talita cumi,” na an kahulogan, “Daragita, sinasabihan taka, magbangon ka!”

Markos 6:34

Paglusad ni Jesus sa sakayan, nahiling niya an kadakul na tawo. Naherak siya sainda, ta garo sindang mga karnero na mayo nin pastor. Kaya tinukdoan niya sinda nin dakul na bagay.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.