Markos 1:32 - Marahay na Bareta Biblia

³² Pagsolnop kan aldaw, dinara ki Jesus kan mga tawo an gabos na naghehelang asin an mga may demonyo.

Markos 1:32 ပူးပေါင်းရင်းမြစ်များ

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Mateo 8:16

Pagkabangi, dinara ki Jesus kan mga tawo an dakul na tawong may demonyo. Sa sarong tataramon sana ni Jesus pinaluwas niya an mga maraot na espiritu dangan binolong an gabos na naghehelang.

Mateo 8:17

Ginibo niya ini tanganing maotob an sinabi ni Propeta Isaias, “Kinua niya an satong mga kamatean, asin tinios niya an satong mga kahelangan.”

Markos 1:21

Nagduman si Jesus asin an saiyang mga disipulo sa banwaan nin Capernaum. Pag-abot kan Sabbath, naglaog si Jesus sa sinagoga saka nagtukdo.

Markos 1:31

Kaya dinolok ni Jesus an babae, kinaptan sa kamot saka tinabangan na bumangon. Tolos ining narahay asin naglingkod sainda.

Markos 3:2

Binantayan si Jesus kan nagkapirang tawo duman kun bobolongon niya an lalaki sa aldaw na Sabbath tanganing ikasumbong ninda siya.

Lukas 4:40

Pagsolnop kan aldaw, dinara ki Jesus kan mga katood ninda an gabos na may namamatean na helang. Dinutaan ni Jesus an lambang saro sainda dangan pinaomayan.

Lukas 4:41

Nagluwas man hale sa dakul na tawo an mga demonyo na nagkukurahaw, “Ika an Aki nin Dios!” Alagad sinaway sinda ni Jesus asin dai tinugotan na magtaram, huli ta aram ninda na siya an Cristo.