Markos 1:28 - Marahay na Bareta Biblia

²⁸ An bareta dapit ki Jesus nakalakop sa bilog na rehiyon nin Galilea.

Markos 1:28 ပူးပေါင်းရင်းမြစ်များ

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Mateo 9:26

An bareta dapit kan nangyaring ini nakalakop sa bilog na distritong idto.

Mateo 9:31

Alagad kan makahale na sinda, ipinamareta ninda sa bilog na distritong idto an ginibo sainda ni Jesus.

Markos 1:27

Nagngalas nin marahay an mga tawo asin nagharapotan sinda, “Ano ini, bagong katukdoan? An tawong ini may kapangyarihan na magboot sa mga maraot na espiritu asin minakuyog sinda saiya!”

Markos 1:29

Paghale ninda sa sinagoga nagdagos sinda sa harong ni Simon asin Andres, kaiba si Santiago asin si Juan.

Markos 1:45

Alagad ibinuyagyag niya an nangyaring ini saen man na lugar. Kaya dai na si Jesus nakakalaog na hayag sa sarong banwa. Duman na sana siya sa luwas kan banwa; asin duman na sana siya tinutuyo kan mga tawong harale sa manlaen-laen na lugar.

Lukas 4:17

Itinao saiya an libro ni Propeta Isaias. Binuksan niya ini asin nakua an lugar na nasusuratan kaini,

Lukas 4:37

An bareta dapit ki Jesus nakalakop sa bilog na rehiyon na idto.

Lukas 7:17

An baretang ini dapit ki Jesus nakalakop sa bilog na Judea asin sa mga teritoryo na nasa palibot.