Markos 1:13 - Marahay na Bareta Biblia

¹³ Kwarentang aldaw siya duman, na pinagsogotan ni Satanas. Idtoon man duman an mga mariringis na hayop; asin pinaglingkodan siya kan mga anghel.

Markos 1:13 ပူးပေါင်းရင်းမြစ်များ

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Mateo 26:53

Dai mo aram na makakahagad ako sa sakong Ama nin labi pa sa doseng batalyon na anghel na ipapadara niya tolos sako?

Mateo 4:1

Pakatapos, dinara si Jesus kan Espiritu Santo duman sa kalangtadan tanganing pagsugotan kan Demonyo.

Lukas 4:1

Naghale si Jesus sa Jordan, pano kan Espiritu Santo; giniyahan siya sa kalangtadan kan Espiritu Santo kan siya papuli na.

Deuteronomio 9:11

Pakatapos kan kwarentang aldaw asin banggi, itinao sako nin Kagurangnan an duwang tablang gapo na sinuratan niya kan tipan.

Deuteronomio 9:18

Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Deuteronomio 9:25

“Kaya nagdapa ako sa atubang nin Kagurangnan sa laog kan kwarentang aldaw asin bangging idto, huli ta boot nanggad niyang tunawon kamo.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.