Malakias 4:1 - Marahay na Bareta Biblia

¹ Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Malakias 4:1 ပူးပေါင်းရင်းမြစ်များ

An Libro ni Job 18:16

Naaalang an saiyang mga gamot, asin an saiyang mga sanga naluluyos.

Salmo 119:119

An gabos na maraot na tawo sa daga ibinibilang mong basura; kaya namomotan ko an saimong mga katukdoan.

Salmo 37:9

An daga masasadirihan kan mga nagsasarig sa Kagurangnan; alagad an mga maraot papahaleon duman.

Exodo 15:7

Mga kaiwal dinaog kan saimong dakulang kapangyarihan; garo dagaming sinulo kan saimong kaanggotan.

Isaias 40:24

Arog sinda sa mga saradit na mga tinanom, na itinanom pa sana asin nagpopoon pa sanang maggamot. Kun minasubol nin doros an Kagurangnan, naaalang sinda asin ipinapalid arog sa dagami.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 47:14

“Makakaarog sinda sa mga kaputol na dagami, asin matututong sinda sa kalayo! Dai sinda makakaligtas sa sobrang init nin kalayo. Bako ini an kalayo na pwede sanang pagpahimbongan.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 9:18

An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Ezekiel 20:38

Hahaleon ko sa tahaw nindo an mga rebelde asin an mga makasalan. Hahaleon ko sinda sa mga daga na pinag-eerokan ninda, alagad dai ko sinda papabalikon sa daga nin Israel. Dangan maaaraman nindo na ako an Kagurangnan.”

Ezekiel 21:32

Magagadan kamo huli sa kalayo. An saindong dugo magbulos sa sadiri nindong daga, asin dai na kamo magigiromdoman sagkod pa man.’” An Kagurangnan an nagtaram.

Ezekiel 24:11

Dangan bugtakan sa baga an mayong laog na bronseng kaldero sagkod na magbaga iyan. Mahahale an mga ati saka takla kaiyan, dangan magigin malinig giraray,

Ezekiel 34:17

“Kamong mga karnero ko, ako, an Kagurangnan Dios, an nagtataram saindo na huhukoman ko an lambang saro saindo asin isisiblag ko an mga marahay sa mga maraot, an mga karnero sa mga kanding.

Ezekiel 7:10

Nagdadangadang na an aldaw! Namumurak na an inhustisya asin nagsusupang na an kapaabaw-abawan.

Joel 2:1

Huyopa an trompeta; patanoga an alarma sa Sion, an banal na bulod nin Dios. Pagtakig, banwaan nin Juda! Nagdadangadang na an aldaw nin Kagurangnan.

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Amos 2:9

“Alagad, banwaan ko, huli saindo kun kaya pinuho ko an mga Amoreo, an mga lalaking arog kahalangkaw sa mga sedro asin arog kakosog sa mga hamurawon.

Obadias 1:18

An banwaan ni Jacob saka ni Jose magigin arog sa kalayo; tutunawon ninda an banwaan ni Esau, siring kan pagsulo sa dagami. Mayong matatada sa mga kapagarakian ni Esau. Ako, an Kagurangnan, an nagtaram.

Nahum 1:10

Arog sa nagkagurumos na mga tonok asin alang na dagami matututong kamo!

Sofonias 1:14

Harani na an dakulang aldaw nin Kagurangnan—harani na nin marahay asin marikas an pag-abot kaiyan! An aldaw na iyan magigin mapait, huli ta maski an pinakamaisog na mga soldados mahibi huli sa kawaraan nin paglaom!

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Zacarias 14:1

Harani na an aldaw na matukaw sa paghukom an Kagurangnan. Dangan sasamsaman an Jerusalem, asin pagbabarangaon an sinamsam sa atubangan nindo.

Malakias 3:15

Sosog sa samong nahihiling, an mapalangkaw iyo an mga paladan. Bako sanang nag-uuswag an mga maraot na tawo kundi binabalo pa ninda an Dios sa paggibo ninda kan mga maraot asin dai sinda napapadusahan.’”

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Malakias 3:2

Alagad siisay an makakatagal kun mag-abot na an aldaw na iyan? Siisay an mabubuhay kun magpahiling na siya? Huli ta makakaagid siya sa makosog na sabon, arog sa kalayo na naglilinig sa metal.

Malakias 3:3

Maabot siya sa paghukom siring sa sarong naglilinig asin nagpapagayon nin plata. Siring na linilinigan nin sarong alahero an plata saka bulawan, lilinigan man kan sugo nin Kagurangnan an mga padi, tanganing magdara sinda sa saiya kan tamang mga dolot.

Malakias 4:5

“Alagad bago dumatong an dakula saka makangirhat na aldaw nin Kagurangnan, ipapadara ko saindo an propetang si Elias.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Lukas 19:43

Huli ta maabot an panahon na papalibotan ka nin mga olang kan mga kaiwal mo, tatalikopan ka ninda asin lalaomon.

Lukas 21:20

“Kun mahiling nindo an Jerusalem na napapalibotan nin mga hukbo, aram na nindong madali na iyan rumpagon.

Lukas 6:23

Mag-ogma kamo saka maglukso sa kaogmahan kun iyan mangyari, huli ta dakula an balos na natatagama saindo sa langit. Siring man kaiyan an ginibo sa mga propeta kan saindang mga ginikanan.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.