Malakias 3:8 - Marahay na Bareta Biblia

⁸ Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Malakias 3:8 ပူးပေါင်းရင်းမြစ်များ

Salmo 29:2

Itao sa Kagurangnan an kamurawayan nin saiyang ngaran; sambahon an Kagurangnan sa saiyang pagdatong.

Mga Talinhaga 11:24

May mga tawo na matinao, alagad orog na nagyayaman. An iba maimot nin marahay, alagad orog na nagigin dukha.

Isaias 43:23

Dai ka nagdara sako kan saimong karnero para sa tinutong na atang; dai mo ako inomaw kan saimong mga sakripisyo. Dai taka pinagabatan huli sa mga dolot ni pinagal huli sa paghagad nin insenso.

Levitico 19:25

Alagad sa ikalimang taon, an ibubunga kaiyan pwede na nindong kakanon. Kun gibohon nindo ini, orog na mamumunga an mga kahoy nindo. Ako an Kagurangnan na saindong Dios.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Malakias 1:13

Minasabi kamo, ‘Pagal na kami sa paggibo kan gabos na ini!’ dangan tinatami-tamian nindo ako. Bilang dolot dinadarahan nindo ako nin hinabonan na hayop o sarong hayop na pilay o may helang. Sa paghona nindo, aakoon ko daw saindo an siring na dolot?

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”

Mateo 22:21

Nagsimbag sinda, “Ki Cesar.” Sinabihan sinda ni Jesus, “Kun siring, itao nindo ki Cesar an ki Cesar asin sa Dios an sa Dios.”

Markos 12:17

Nagsabi si Jesus, “Kun siring itao nindo ki Cesar an ki Cesar, asin sa Dios an sa Dios.” Napangalas sinda saiya.

Lukas 20:25

Sinabihan sinda ni Jesus, “Kun siring, itao nindo ki Cesar an ki Cesar, asin sa Dios an sa Dios.”

Roma 13:7

Kaya bayadan an dapat bayadan, magtao kan buhis na personal asin kan buhis para sa mga rogaring. Galangan an dapat galangan; omawon an dapat omawon.

Roma 2:22

Nagsasabi kang, “Dai ka magdorog sa bako mong agom” alagad ika, dai ka nakikidorog sa bako mong agom? Nauuyam ka sa mga dios-dios, alagad tadaw ta pinaghahabonan mo an mga templo?

Josue 7:11

Nagkasala an Israel! Linapas ninda an sakong tipan na ipinagboot ko sainda. Nagkua sinda kan mga bagay na ipinagboot kong suloon. Hinabon ninda iyan, nagputik manongod kaiyan, asin tinago kaiba kan saindang mga kagamitan.