Malakias 3:7 - Marahay na Bareta Biblia

⁷ Kamo, siring kan saindong mga ginikanan na naenot saindo, nagtalikod sa sakong mga togon asin dai nindo iyan inotob. Magbalik kamo sako, asin mabalik man ako saindo. Alagad minahapot kamo, ‘Ano an kaipuhan ming gibohon tanganing makabalik sa saimo?’

Malakias 3:7 ပူးပေါင်းရင်းမြစ်များ

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Isaias 65:2

Danay akong andam sa pag-ako kan sakong banwaan, an mga tawong padagos sa paggibo nin maraot asin sa paglakaw sa sadiri nindang dalan.

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Jeremias 7:25

Magpoon kan maghale sa Egipto an saindong mga ginikanan sagkod ngunyan, padagos akong nagpadara saindo kan sakong mga sorogoon, an mga propeta.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Ezekiel 2:3

“Aki nin tawo, sinusugo taka sa banwaan nin Israel. Nagtumang sinda saka nagtalikod sako; sagkod ngunyan mga rebelde pa sinda arog kan saindang mga ginikanan.

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Zacarias 1:3

alagad sinasabihan ko kamo, ‘Magbalik kamo sako asin mabalik ako sa saindo.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Malakias 3:13

“Maraot na mga tataramon an sinabi nindo tumang sako,” an sabi nin Kagurangnan. “Alagad minahapot kamo, ‘Ano an itinaram ming tumang saimo?’

Mateo 23:27

“Herak man saindo, mga paratukdo kan Katogonan asin mga Fariseo! Mga parasagin-sagin! Kaagid kamo kan pinagayon na mga pantyon na malinig paghilingon sa luwas, alagad sa laog pano nin mga tolang asin nin manlaen-laen na ati.

Lukas 15:16

Boot kutana niyang malaogan an saiyang tulak maski kan mga ibinabahog sa mga orig, alagad mayo nin nagtao saiya nin anoman.

Roma 10:21

Alagad dapit sa mga taga Israel, ini an sinasabi ni Isaias, “Maghapon akong naghalat sa pag-abot kan nasyon na matagas an payo saka matumang sako.”

Roma 10:3

Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Roma 7:9

Kaidtong mayo nin katogonan, buhay ako. Kan igwa na kan togon, nagkaigwa nin buhay an kasalan, asin ako an nagadan.

Deuteronomio 31:20

Dadarahon ko sinda sa dagang mayaman sa gabos na bagay, siring sa sakong ipinanuga sa saindang mga ginikanan. Makukua ninda duman an gabos na pagkakan na saindang kaipuhan, asin toninong sindang mabubuhay. Alagad masamba sinda saka malingkod sa mga dios-dios. Matalikod sinda sako asin lalapason ninda an sakong tipan;

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!