Malakias 3:5 - Marahay na Bareta Biblia

⁵ Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Malakias 3:5 ပူးပေါင်းရင်းမြစ်များ

Genesis 20:11

Nagsimbag si Abraham, “An paghona ko mayo nin siisay man digdi na may pagkatakot sa Dios, asin gagadanon ninda ako tanganing makua an sakong agom.

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

An Libro ni Job 31:12

iyan garo kalayong nanghahalon sagkod sa Abaddon, na masulo kan gabos kong nasasadirihan.

An Libro ni Job 7:2

siring sa oripon na naghihidaw kan malipot na limpoy, arog sa parapatandan na naghahalat kan saiyang bayad.

Salmo 36:1

An kasalan nagtataram sa tawong maraot sa kairaroman nin saiyang puso; mayo nin pagkatakot sa Dios sa saiyang mga mata.

Salmo 81:8

Banwaan ko, dangoga an sakong patanid; Israel, kun magdangog ka lamang sako!

Salmo 96:13

sa atubang nin Kagurangnan, huli ta siya minadatong, huli ta siya minadatong tanganing hukoman an daga. Huhukoman niya an kinaban sa katanosan, asin an mga banwaan, sa saiyang katotoohan.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Exodo 1:17

Alagad dai sinunod kan mga partera an pagboot kan hade huli ta may pagkatakot sinda sa Dios; pinabayaan nindang mabuhay an mga aking lalaki.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Exodo 22:20

“Dapat gadanon an siisay man na mag-atang sa arin man na dios-dios, huli ta ako sana, an Kagurangnan, an dapat dolotan nin atang.

Mga Talinhaga 16:6

Pinapatawad an kasalan huli sa kaimbodan, asin malilikayan nin tawo an karatan huli sa pagkatakot sa Kagurangnan.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Isaias 57:3

Alagad madya digdi, kamo na mga parakasala! Dai kamong kalaenan sa mga parakulam, mga parasambay asin mga maraot na babae.

Jeremias 23:10

An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Jeremias 27:10

Dinadaya ninda kamo asin magigin dahelan iyan tanganing iharayo kamo sa saindong daga. Aalawon ko kamo asin mapapahamak kamo.

Jeremias 27:9

Dai kamo maghinanyog sa saindong mga propeta o sa kiisay man na nagsasabi na pwede niyang hulaan an maabot na panahon sa paagi nin mga pangatorogan o sa pag-apod kan mga kalag kan mga gadan o sa salamangka. Gabos sinda nagsasabi saindo na dai kamo magpairarom sa hade nin Babilonia.

Jeremias 29:23

Iyan an saindang aabotan huli ta naggibo sinda nin magabat na kasalan—nagdorog sinda sa bako nindang agom saka nagtaram nin mga kaputikan sa ngaran nin Kagurangnan. Tumang ini sa kabotan nin Kagurangnan; siya an saksi laban sainda. An Kagurangnan an nagtaram.”

Jeremias 42:5

Dangan nagsabi sinda sako, “Magin logod totoo saka maimbod na saksi laban samo an Kagurangnan kun dai mi sunodon an gabos na pagboot na itatao saimo nin Kagurangnan na satong Dios para samo.

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 5:29

“Alagad ako, an Kagurangnan, an mapadusa sainda huli kan mga bagay na ini; babaloson ko an siring na nasyon.

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Levitico 20:10

An siisay man na lalaking magdorog sa agom kan saiyang kapwa, gagadanon kaiba kan babae.

Levitico 20:27

“An siisay man na lalaki o babaeng magkonsulta sa espiritu kan mga gadan, gagapoon sagkod na magadan; siya an responsable kan saiyang kagadanan.”

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Mikas 1:2

Dangoga nindo ini, kamo gabos na nasyon; hinanyoga nindo ini, kamo gabos na nag-eerok sa daga! Masaksi laban saindo an Kagurangnan Dios. Paghinanyog! Nagtataram siya hale sa langitnon niyang templo.

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Zacarias 11:12

Sinabihan ko sinda, “Kun boot nindo, itao nindo sako an sweldo ko; alagad kun habo kamo, saindo na.” Kaya binayadan ninda ako nin treyntang pedaso nin plata bilang sweldo ko.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Malakias 2:14

Minahapot kamo kun tano ta habo na niyang akoon an mga iyan. Huli ta aram niya na linapas nindo an saindong panuga sa babaeng inagom nindo kan mga hoben pa kamo. Siya an saindong kaiba, asin linapas nindo an saindong panuga saiya maski nanuga kamo sa atubangan nin Dios na magigin maimbod saiya.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Lukas 23:40

Alagad sinaway siya kan kaiba niya, “Dai ka natatakot sa Dios? Sinentensyahan ka man arog saiya.

Roma 3:8

Tadaw ta dai kita maggibo nin maraot tanganing lumataw an marahay? Ini daa an itinutukdo ko, an sabi kan nagkapirang nagpapakaraot sako! Alagad an mga tawong iyan maninigong kondenaron.

Deuteronomio 15:13

Sa ikapitong taon, talingkasan nindo siya; dai nindo siya pagpahaleon na mayo nin darang ano man.

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,

Deuteronomio 24:17

“Dai nindo paghalean nin katanosan an mga dayuhan asin an mga ilo; dai nindo pagkuahon bilang sangra sa utang an gubing nin sarong babaeng balo.

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’

Deuteronomio 5:11

“‘Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, an mapadusa sa kiisay man na magbasang-basang kan sakong ngaran.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Santiago 5:12

Orog sa gabos, mga tugang, dai kamo magsumpa kun nanunuga kamo; dai kamo magsumpa sa ngaran kan langit, o kan daga, o kan ano pa man na bagay. Kundi magsabi sana kamo nin “Iyo” kun iyo; asin “Dai” kun dai, tanganing dai kamo hukoman nin Dios.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.