Malakias 3:4 - Marahay na Bareta Biblia

⁴ Dangan magigin makawiwili an mga dolot na dara kan mga taga Juda saka Jerusalem sa Kagurangnan, arog kaidtong nakaaging panahon.

Malakias 3:4 ပူးပေါင်းရင်းမြစ်များ

1 Mga Cronica 15:26

Nag-atang sinda nin pitong torong baka asin pitong karnero tanganing tabangan nin Dios an mga Levita sa pagdara kan Kaban nin Tipan.

1 Mga Cronica 21:26

Nagpatindog duman si David nin sarong altar para sa Kagurangnan, asin nagdolot siya nin mga tinutong na atang saka mga dolot para sa katoninongan. Namibi siya asin sinimbag siya nin Kagurangnan sa paagi nin kalayong hale sa langit na tuminutong kan mga dolot sa altar.

2 Mga Cronica 1:6

Nagdolok si Solomon sa bronseng altar, sa atubangan kan Tabernakulo, asin nagdolot nin sangribong tinutong na atang.

Salmo 51:17

O Dios, espiritung nagsosolsol an sakong atang; mapakumbaba asin nagsosolsol na puso dai mo isisikwal.

Salmo 51:19

Dangan ikakaogma mo an mga maninigong sakripisyo, asin an samong mga tinutong na atang; mga torong baka na idodolot sa saimong altar.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.