Malakias 3:16 - Marahay na Bareta Biblia

¹⁶ Dangan nag-orolay an mga tawong natatakot sa Kagurangnan, asin hininanyog sinda nin marahay kan Kagurangnan. An saindang mga sinabi dinangog niya man. Sa atubangan niya, isinurat sa sarong libro an ngaran kan mga natatakot sa Kagurangnan asin minagalang saiya.

Malakias 3:16 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

2 Samuel 7:1

Kan sa palasyo na nag-eerok si Hadeng David, asin kan dai na siya linalabanan kan gabos niyang mga kaiwal huli sa tabang nin Kagurangnan,

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

1 Mga Hade 18:3

kaya ipinaapod ni Ahab si Obadias, na namamahala kan palasyo. (Igwa nin pagkatakot si Obadias sa Kagurangnan,

2 Mga Cronica 6:7

Nagsabi pa si Solomon, “Nagmawot an sakong ama na si David na magtugdok nin sarong Templo para sa Kagurangnan, an Dios nin Israel.

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Esther 2:23

Nagkaigwa nin pagsiyasat asin naaraman na totoo an bareta, kaya binitay an duwang eunuko. Dangan nagboot an hade na an pangyayaring ini isurat sa mga opisyal na talaan kan imperyo.

Esther 6:1

Kan bangging idto dai nangangatorog an hade, kaya ipinakua niya an opisyal na talaan kan imperyo dangan ipinabasa idto mantang nagdadangog siya.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 104:33

Aawitan ko an Kagurangnan sa bilog kong buhay; oomawon ko an sakong Dios mantang ako buhay.

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 115:13

Bebendisyonan niya an may pagkatakot saiya, sadit man o dakula.

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Salmo 139:4

Bago ko ikataram an anoman, O Kagurangnan, aram mo na iyan.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 34:15

Binabantayan nin Kagurangnan an mga matanos asin dinadangog niya an saindang inagrangay;

Salmo 56:8

Bilang mo an sakong mga horasa; bilang mo an sakuyang mga luha. Bako daw na sa saimong libro iyan nakatala?

Salmo 56:9

Sa aldaw na ako mag-apod saimo, magdudurulag an sakong mga kaiwal. Ini an aram ko: na an Dios kaapil ko—

Salmo 66:16

Madya asin pagdangog, kamo gabos na may pagkatakot sa Dios, asin sasabihan ko kamo kan ginibo niya sako.

Salmo 94:19

Kan ako nahahandal asin nahahadit, rinaranga asin pinapaogma mo ako.

Exodo 32:32

Nakikimaherak ako na patawadon mo sinda kan saindang mga kasalan; alagad kun dai mo sinda mapapatawad, paraon mo na man an sakong ngaran sa libro na sinuratan mo kan mga ngaran kan saimong banwaan.”

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Isaias 26:3

Ika, Kagurangnan, an nagtatao nin katoninongan sa mga tawong danay na pusog an katuyohan asin nananarig sa saimo.

Isaias 26:8

Sinusunod mi an saimong kabotan asin naglalaom kami saimo; ika an bilog ming kamawotan.

Isaias 4:3

An gabos na natada sa Jerusalem, na mga pinili nin Dios tanganing matadang buhay, aapodon banal.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Isaias 65:6

“Aram ko an gigibohon kong padusa sainda, asin nakasurat na an saindang sentensya. Dai ko papawaraan nin halaga an saindang ginibo; papadusahan ko sinda

Jeremias 31:18

“Nadangog ko an banwaan nin Israel na mamondong nagsasabi, ‘Kagurangnan, arog kami sa sarong hayop na dai pa minagaro, alagad tinukdoan mo kami na magkuyog. Ibalik mo kami; andam kami na magbalik saimo, an Kagurangnan na samong Dios.

Jeremias 8:6

Hininanyog ko kamo nin marahay alagad dai kamo nagsabi kan totoo. Mayo maski saro saindo nin nagsosolsol kan saiyang katampalasanan; mayo saindo nin naghahapot, ‘Anong kasalan an sakong ginibo?’ An lambang saro padagos sa sadiri niyang dalan, arog sa kabayo na pasiring sa ralaban.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Daniel 7:10

Hale sa saiyang trono nagbubulos an sarong salog nin kalayo. Yaon duman an ribo-ribong tawo na naglilingkod saiya, asin an milyon-milyon na nagtitindog sa saiyang atubang. Nagbukas an korte sa pagdangog kan mga kaso, asin binukasan an mga libro.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Lukas 2:38

Kan oras man sanang iyan, nag-abot siya, nagpasalamat sa Dios asin nagtaram dapit sa aki sa gabos na naghahalat kan pagtubos nin Dios sa Jerusalem.

Mga Gibo 1:13

Pag-abot sa harong na pinagdadagosan ninda, naglaog sinda sa kwarto sa itaas: sinda iyo si Pedro, Juan, Santiago, Andres, Felipe, Tomas, Bartolome, Mateo, si Santiago na aki ni Alfeo, si Simon na Patriota saka si Judas na aki ni Santiago.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 2:1

Kan mag-abot an aldaw nin Pentecostes, nagkatiripon sa sarong lugar an gabos na paratubod.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Efeso 5:19

Mag-orolay kamo sa paagi nin mga salmo, himno saka mga banal na awit; mag-awit kamo nin mga himno saka mga salmo sa Kagurangnan na nasa puso an pag-omaw saiya.

1 Tesalonica 5:11

Kaya pakosoga an saindong boot saka magpatarabang-tabang kamo siring kan ginigibo na nindo ngunyan.

1 Tesalonica 5:14

Sinasadol mi kamo, mga tugang, na patanidan nindo an mga hugakon, pakosogon an mga maluya an boot, tabangan an mga maluya, saka magin matinios kamo sa gabos.

Hebreyo 10:24

Dapat hanapon nyato an paagi kun paano ta madara an satong kapwa sa pagkaminorootan saka sa paggibo nin marahay.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

Kapahayagan 20:12

Pakatapos, nahiling ko an mga gadan, dakula asin sadit, na nakatindog sa atubangan kan trono. Binuklat an mga libro, dangan binuklat man an saro pang libro na iyo an libro nin buhay. An mga nagadan hinukoman sosog sa ginibo ninda na nakasurat sa mga libro.