Malakias 3:14 - Marahay na Bareta Biblia

¹⁴ Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?

Malakias 3:14 ပူးပေါင်းရင်းမြစ်များ

An Libro ni Job 22:17

Iyo ini an mga tawong nagsikwal sa Dios asin nagtubod na mayo siyang magigibo sainda.

An Libro ni Job 34:9

Nagsasabi siyang, mayo nanggad nin pakinabang an tawo kun siya magsunod sa kabotan nin Dios.

An Libro ni Job 35:3

o na maghapot sa Dios, ‘Ano an sakong papakinabangon? Paano ako magin mas marahay ki sa kun ako nagkasala?’

Isaias 43:22

Nagsasabi an Kagurangnan, “Alagad napagal ka sako, Israel; dai ka nagsamba sako.

Isaias 58:3

Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Jeremias 18:12

Masimbag sinda, ‘Dai, tadaw ta magbabago kami? Susundon mi an sadiri nyamong plano asin gabos kami magibo sosog sa katagasan kan maraot nyamong mga puso!’”

Jeremias 2:25

Israel, dai mo pagpagalon an saimong mga bitis, ni pagpamarahon an saimong halonan sa pagparalamag kan ibang dios. Alagad nagsasabi ka, ‘Dai ako pwedeng tumalikod. Namotan ko na an mga dayuhan na dios-dios asin susunodon ko sinda.’”

Jeremias 44:18

Alagad kan ontokon mi an pagtutong nin insenso sa reyna nin langit saka an pag-ula nin mga dolot na arak para saiya, nawaraan kami nin pagkakan, saka nagadan sa gera asin sa gutom an samong mga kahimanwa.”

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Sofonias 1:12

“Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

Malakias 3:13

“Maraot na mga tataramon an sinabi nindo tumang sako,” an sabi nin Kagurangnan. “Alagad minahapot kamo, ‘Ano an itinaram ming tumang saimo?’

Santiago 4:9

Magmondo kamo, maghibi saka maghaya; maghibi kamo embes na magngisi, magmondo embes na mag-ogma.