Malakias 3:13 - Marahay na Bareta Biblia

¹³ “Maraot na mga tataramon an sinabi nindo tumang sako,” an sabi nin Kagurangnan. “Alagad minahapot kamo, ‘Ano an itinaram ming tumang saimo?’

Malakias 3:13 ပူးပေါင်းရင်းမြစ်များ

An Libro ni Job 15:13

Naaanggot ka sa Dios asin kinondenar mo siya.

An Libro ni Job 40:8

Boot mong patunayan na bako akong matanos— tanganing ipahiling na ako nasasala asin ika an nasa tama?

Salmo 10:11

Nagsaboot siya, “Mayong pagmakulog an Dios! Tinakpan niya an saiyang lalawogon asin dai niya nanggad ako mahihiling!”

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Jeremias 44:18

Alagad kan ontokon mi an pagtutong nin insenso sa reyna nin langit saka an pag-ula nin mga dolot na arak para saiya, nawaraan kami nin pagkakan, saka nagadan sa gera asin sa gutom an samong mga kahimanwa.”

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Ezekiel 18:25

“Alagad minataram kamo, ‘Bakong tama an gibo kan Kagurangnan Dios.’ Pagdangog kamo sako, kamong mga Israelita. Naghohona kamo na bakong tama an mga palakaw ko? An mga palakaw nindo iyo an bakong tama.

Ezekiel 35:13

Nadangog ko an dakul na kahambogan na sinabi mo tumang sako.”

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Malakias 2:14

Minahapot kamo kun tano ta habo na niyang akoon an mga iyan. Huli ta aram niya na linapas nindo an saindong panuga sa babaeng inagom nindo kan mga hoben pa kamo. Siya an saindong kaiba, asin linapas nindo an saindong panuga saiya maski nanuga kamo sa atubangan nin Dios na magigin maimbod saiya.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Malakias 3:12

Dangan aapodon kamong paladan kan mga tawo sa gabos na nasyon, huli ta magigin sarong marahay na lugar na erokan an saindong daga.

Malakias 3:14

Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.