Malakias 3:11 - Marahay na Bareta Biblia

¹¹ Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Malakias 3:11 ပူးပေါင်းရင်းမြစ်များ

Jeremias 8:13

“Boot kong tiponon an sakong banwaan, arog sa tawong nagtitipon kan saiyang mga ani; alagad garo sinda balagon nin ubas na mayo nin bunga, garo kahoy na higera na mayo nin pakinabang, na maski an mga dahon aralang na. Kaya tinugotan ko an mga taga luwas na sakopon an daga.”

Oseas 2:21

Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Joel 1:12

Nagkaruluyos na an mga poon nin ubas saka an mga kahoy na higera; nagkaruluyos dangan nagkagaradan an gabos na kahoy na namumunga. An kaogmahan kan mga tawo nawara man.

Joel 1:4

Grupo-grupong mga doron an nagtugdon sa mga tinanom; an nalihisan kan sarong grupo, kinakakan kan masunod.

Joel 1:7

Rinaot ninda an satong mga ubasan asin nginutanguta an satong mga kahoy na higera. Hinale ninda an mga ubak, sagkod na magputi an mga sanga.

Joel 2:20

Hahaleon ko an hukbo nin mga doron na nag-abot hale sa amihan dangan aalawon ko an iba sa sainda pasiring sa desyerto. An mga nangengenot sainda mapapaduman sa Gadan na Dagat, an mga nasa hurihan mapapaduman sa Mediteraneo. Duman sinda magagadan saka mabata. Gagadanon ko sinda huli kan gabos nindang ginibo sa saindo.

Joel 2:22

Mga hayop, dai kamo matakot. Berde na an mga pasabsaban; nagbubunga na an mga kahoy, asin dakul na an bunga kan higera saka ubas.

Joel 2:25

Ibabalik ko saindo an nawara nindo sa mga taon kan kakanon kan mga doron an saindong mga tinanom. Ako an nagpadara kan mga doron laban sa saindo.

Amos 4:9

“Nagpadara ako nin makuring init tanganing maalang an saindong mga tinanom. Kinakan kan mga doron an saindong mga tinanom saka ubasan, an saindong mga kahoy na higera saka oliba, alagad dai man giraray kamo nagbalik sa sako.

Habakkuk 3:17

Maski dai namumurak an mga poon nin higera asin an mga ubas mayo nin bunga, maski dai makakua nin lana nin oliba asin an kaomahan dai mamunga, maski magkagaradan an gabos na karnero asin mawaraan nin laog an mga laoman nin hayop,

Hageo 1:11

Nagpadara ako nin labi-labing init sa daga—sa kabubuldan, sa mga oma nin trigo, sa mga ubasan saka olibahan—sa lambang tinanom, sa mga tawo saka mga hayop, asin sa gabos na pinagpapagalan nindo.”

Hageo 2:17

Nagpadara ako nin mainit na doros asin uran nin yelo tanganing raoton an bunga kan saindong kapagalan, alagad dai kamo nagsolsol.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Deuteronomio 11:14

Kun gibohon nindo ini, papadarahan niya nin uran an saindong daga sa tamang panahon, tanganing magkaigwa kamo nin banhi, arak saka lana nin oliba,