Malakias 2:9 - Marahay na Bareta Biblia

⁹ Kaya ako, sa pagbalos, magtugot na kaongisan kamo kan banwaan nin Israel huli ta dai nindo kinuyog an sakong kabotan; may pinapalaen kamo kun nagtutukdo kamo sa sakong banwaan.”

Malakias 2:9 ပူးပေါင်းရင်းမြစ်များ

1 Mga Hade 22:28

Nagsabi si Micaias, “Kun makabalik kang ligtas sa pag-alaman, an Kagurangnan dai mananggad nagtaram sa paagi ko!” Asin nagsabi pa siya, “Pagdangog kamo gabos!”

An Libro ni Job 32:21

Mayo ako nin kakampihan ni oomawon na siisay man.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Ezekiel 13:21

Rarapsingon ko man an saindong mga belo, asin papadulagon ko sa saindong kapangyarihan an sakuyang banwaan. Dangan maaaraman nindo na ako an Kagurangnan.

Ezekiel 7:26

Sunod-sunod na maabot an kasakitan asin an maraot na bareta. Makikimaherak sinda sa mga propeta na ipahayag sainda an bisyon na nahiling ninda. An mga padi mayo nang ikakatukdo sa mga tawo, asin an mga kamagurangan mayo nang ikakataong hatol.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Nahum 3:6

Tatapokan taka nin ati dangan pag-oolog-ologon. An mga tawong makahiling matatakot saimo.

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.

Malakias 2:8

“Alagad ngunyan, kamong mga padi, nagsuhay kamo sa tamang dalan; an saindong katukdoan iyo an dahelan kan pagkasingkog nin dakul na tawo. Linapas nindo an tipan na ginibo ko saindo.

Lukas 10:29

Alagad, huli ta boot magpakamatanos an lalaki, hinapot niya giraray si Jesus, “Siisay an sakong kapwa?”

Lukas 11:42

“Herak man saindo, mga Fariseo! Nagtatao kamo nin himoloan para sa Dios maski kan mga tinanom na panrekado, siring kan pamyenta, anis patin iba pa, alagad pinapabayaan nindo an katanosan asin an pagkamoot nin Dios. Ini an dapat nindong gibohon, alagad dai man pagpabayaan an iba.

Galacia 2:6

Alagad mayo na nin idinagdag sa sinabi ko an mga midbid na mga lider na idto. (Sinasabi ko ini huli ta para sako mayo nin kalaenan kun ano sinda kaidto, huli ta mayong pinapalaen an Dios.)

Deuteronomio 1:17

Dai kamo magpaorog sa kiisay man; hukoman nindo nin matanos an gabos, maski siisay siya. Dai kamo matakot sa kiisay man, huli ta hale sa Dios an paghukom na itatao nindo. Kun an kaso dipisil para saindo, darahon nindo sako, asin ako an madesisyon kaiyan.’

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.