Malakias 2:8 - Marahay na Bareta Biblia

⁸ “Alagad ngunyan, kamong mga padi, nagsuhay kamo sa tamang dalan; an saindong katukdoan iyo an dahelan kan pagkasingkog nin dakul na tawo. Linapas nindo an tipan na ginibo ko saindo.

Malakias 2:8 ပူးပေါင်းရင်းမြစ်များ

2 Mga Hade 16:11

Naggibo si Urias nin altar na pareho nanggad kan ladawan, asin tinapos niya an altar bago nagbalik si Ahaz.

Nehemias 13:29

Giromdoma, Dios ko, kun paano dinigtaan kan mga tawong idto an katongdan nin pagkapadi asin an tipan na ginibo mo sa mga padi saka sa mga Levita.

Salmo 119:102

Dai ko pinapabayaan an saimong mga katukdoan, huli ta ika an nagtukdo sako.

Salmo 18:21

Kinuyog ko an mga togon nin Kagurangnan; an sakuyang Dios dai ko tinalikodan.

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Isaias 30:11

Humale kamo sa samong agihan asin dai nindo pag-olangon an samong dalan. Habo ming madangog an dapit sa saindong banal na Dios nin Israel.”

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 9:16

Linagalag an mga tawo kan mga lider asin nagkariribong sinda.

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Ezekiel 22:26

Linalapas kan mga padi an sakuyang mga togon asin dai ninda ginagalangan an banal na mga bagay. Dai ninda minimidbid kun arin an banal asin kun arin an bako. Dai ninda itinutukdo an kalaenan kan mga bagay na malinig sa mga maati, asin dai ninda pinapahalagahan an sakong Sabbath. Kaya dai ako ginagalangan kan banwaan nin Israel.

Ezekiel 44:10

Nagtaram sako an Kagurangnan, “Papadusahan ko an mga Levita huli ta nagtalikod sinda sako asin nagsamba sa mga dios-dios, arog kan ibang mga Israelita.

Ezekiel 44:12

Alagad huli ta sinda an namahala kan pagsamba kan mga Israelita sa mga dios-dios, asin sinda an nagdara sa mga tawo sa pagkakasala, ako, an Kagurangnan Dios, minasumpa na kaipuhan padusahan sinda.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Levitico 21:15

tanganing dai madigtaan an saiyang mga aki sa tahaw kan saiyang banwaan; huli ta ako an Kagurangnan, asin ako an naglaen saiya bilang Halangkaw na Padi.”

Sofonias 3:4

Dai malalaoman asin parapasaluib an saiyang mga propeta; an mga banal na bagay dinidigtaan kan mga padi asin an togon nin Dios saindang binibiko para sa sadiri nindang karahayan.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Malakias 2:5

“An tipan ko sainda sarong tipan nin buhay asin katoninongan; itinao ko iyan sainda, tanganing galangan ninda ako. Kaidto, iginalang ninda ako asin natakot sinda sako.

Mga Bilang 25:12

Sabihan mo siya na makikipagtipan ako saiya.

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Roma 14:21

An dapat mong gibohon iyo na dai ka magkakan nin karne, mag-inom nin arak o maggibo nin anoman na makakapakasala sa tugang mo.

Hebreyo 3:12

Mag-ingat kamo, mga tugang, ta tibaad igwa nin saro saindo na maraot asin mayo nin pagtubod na magdagka saindo sa pagtalikod sa Dios na buhay.

1 Samuel 2:17

Siring kadakula an kasalan kan mga aking lalaki ni Eli sa atubang nin Kagurangnan, huli ta dai ninda iginalang an mga dolot para sa Kagurangnan.

1 Samuel 2:24

Ontok kamo kaiyan! Maraot na bareta iyan na pinag-oorolayan kan banwaan nin Kagurangnan!

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.