Malakias 2:7 - Marahay na Bareta Biblia

⁷ Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Malakias 2:7 ပူးပေါင်းရင်းမြစ်များ

2 Mga Hade 16:11

Naggibo si Urias nin altar na pareho nanggad kan ladawan, asin tinapos niya an altar bago nagbalik si Ahaz.

2 Mga Hade 16:16

Ginibo ni Urias an pagboot kan hade.

2 Mga Cronica 30:22

Inomaw ni Ezekias an mga Levita huli kan saindang kakayahan sa paglingkod sa Kagurangnan. Pakatapos kan pitong aldaw na pagdolot nin mga atang saka pag-omaw sa Kagurangnan, an Dios kan saindang mga ginikanan,

2 Mga Cronica 31:4

Pinagbotan man kan hade an mga nag-eerok sa Jerusalem na magdara kan mga dolot na kahirasan kan mga padi saka mga Levita, tanganing idusay ninda an bilog nindang panahon sa pag-otob kan kahagadan kan Katogonan nin Kagurangnan.

Esdras 7:10

Idinusay ni Esdras an saiyang buhay sa pag-adal kan Katogonan nin Kagurangnan, sa pag-otob kaiyan, asin sa pagtukdo sa mga Israelita kan gabos na ipinagboboot kan Katogonan.

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Mga Talinhaga 5:2

tanganing maaraman mo an tamang gawe, asin mahayag na ika igwa nin pakaaram sa saimong mga tataramon.

Parahulit 5:5

Mas marahay pang dai ka manuga, ki sa manuga ka dangan dai mo man gigibohon.

Isaias 42:19

May makakaarog pa daw sa sakong sorogoon sa pagkabuta, o sa sakong sinugo sa pagkabongog?

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Jeremias 15:19

Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Ezekiel 22:26

Linalapas kan mga padi an sakuyang mga togon asin dai ninda ginagalangan an banal na mga bagay. Dai ninda minimidbid kun arin an banal asin kun arin an bako. Dai ninda itinutukdo an kalaenan kan mga bagay na malinig sa mga maati, asin dai ninda pinapahalagahan an sakong Sabbath. Kaya dai ako ginagalangan kan banwaan nin Israel.

Ezekiel 7:26

Sunod-sunod na maabot an kasakitan asin an maraot na bareta. Makikimaherak sinda sa mga propeta na ipahayag sainda an bisyon na nahiling ninda. An mga padi mayo nang ikakatukdo sa mga tawo, asin an mga kamagurangan mayo nang ikakataong hatol.

Daniel 11:33

An kadonongan kan mga madonong ihihiras ninda sa mga tawo, alagad sa halipot na panahon an iba sa sainda magagadan sa gera o susuloon, mantang an iba, hahabonan asin mabibilanggo.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Levitico 10:11

Kaipuhan tukdoan mo an gabos na tawo nin Israel kan mga ipinagboboot ko saimo sa paagi ni Moises.”

Sofonias 3:4

Dai malalaoman asin parapasaluib an saiyang mga propeta; an mga banal na bagay dinidigtaan kan mga padi asin an togon nin Dios saindang binibiko para sa sadiri nindang karahayan.

Hageo 1:13

Dangan an mensaheng ini nin Kagurangnan sinabi ni Hageo sa mga tawo: “Kaibahan nindo ako—iyan an panuga ko.”

Zacarias 7:3

saka maghapot sa mga padi asin sa mga propeta: “Dapat daw na ipadagos mi an pagmondo huli kan pagkagaba kan Templo, sa paagi nin pag-ayuno sa ikalimang bulan siring kan samong ginigibo sa laog nin haloy nang panahon?”

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Juan 13:20

Sa katotoohan sinasabihan ko kamo, an minaako sa sinugo ko, minaako sako; asin an minaako sako, minaako sa nagsugo sako.”

Juan 20:21

Nagsabi giraray sainda si Jesus, “Mapasaindo an katoninongan. Siring na ako sinugo kan Ama, sinusugo ko man kamo.”

Mga Gibo 16:17

Pinagparasunod niya kami asin si Pablo mantang nagkukurahaw, “An mga tawong ini sorogoon kan Kahorohalangkaweng Dios! Ipinagbabareta ninda saindo kun paano kamo makakaligtas!”

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

Galacia 4:14

Alagad maski nagin dakulang kagabatan para saindo an kamugtakan kan sakong hawak, dai nindo ako pinagtuya-tuya o isinikwal, kundi inako na garo ako sarong anghel nin Dios o garo si Cristo Jesus.

Deuteronomio 21:5

Maduman man an mga pading Levita huli ta sinda an mahukom kan lambang kaso manongod sa kadahasan. Pinili sinda nin Kagurangnan na saindong Dios tanganing maglingkod saiya asin magbendisyon sa ngaran niya.

Deuteronomio 24:8

“Kun magkahelang kamo nin nakakatakot na helang sa kublit, kaipuhan otobon nindo an hatol kan mga pading Levita; sunodon nindo an mga katukdoan na itinao ko sainda.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Samuel 2:17

Siring kadakula an kasalan kan mga aking lalaki ni Eli sa atubang nin Kagurangnan, huli ta dai ninda iginalang an mga dolot para sa Kagurangnan.