Malakias 2:6 - Marahay na Bareta Biblia

⁶ Itinukdo ninda an tama, bakong an sala. Namuhay sinda na matoninong sa kaibahan ko; bako sanang naggibo sinda kan tama kundi kadakul pa an tinabangan ninda na mag-ontok sa paggibo kan maraot.

Malakias 2:6 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 6:9

Iyo ini an istorya ni Noe. Nagkaigwa siya nin tolong aking lalaki: si Sem, si Ham asin si Jafet. Si Noe iyo sana an matanos na tawo kan panahon niya. Naglakaw siya sa kaibahan nin Dios;

Salmo 119:142

Mayo nin kasagkoran an saimong katanosan, asin totoo an saimong katogonan.

Salmo 119:151

Alagad ika, Kagurangnan, harani, asin totoo an gabos mong katogonan.

Salmo 37:30

An ngoso nin matanos nagtataram nin kadonongan, asin an saiyang dila nagsasabi nin katanosan.

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Mga Talinhaga 5:2

tanganing maaraman mo an tamang gawe, asin mahayag na ika igwa nin pakaaram sa saimong mga tataramon.

Jeremias 23:22

Kun aram ninda an hilom kong mga kaisipan, ikinahulit kutana ninda an mensahe ko sa sakong banwaan. Napatalikod kutana ninda an sakong banwaan sa maraot na pamumuhay saka sa mga karatan na ginigibo kaini.

Daniel 12:3

An mga madonong na lider magliliwanag siring sa panganoron, asin an mga nagtukdo sa mga tawo na maggibo kan tama magliliwanag sagkod lamang siring sa mga bitoon.”

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Mateo 22:16

Kaya pinaduman ninda ki Jesus an saindang mga disipulo kaiba an nagkapirang tawohan ni Herodes. Nagsabi an mga ini, “Maestro, aram mi na bako kang putikon, talagang itinutukdo mo an kabotan nin Dios. Dai kang pinapalaen na tawo ta dai mo tinatawan nin halaga kun ano an katongdan ninda.

Markos 12:14

Hinapot ninda si Jesus, “Maestro, aram mi na bako kang putikon; dai ka natatakot sa kiisay man. Dai kang pinapalaen na tawo ta dai mo tinatawan nin halaga kun ano an katongdan ninda. Itinutukdo mo an kabotan nin Dios para sa tawo. Tugot daw sa satong katogonan na magbayad nin buhis ki Cesar o dai? Dapat daw kitang magbuhis sainda o dai?”

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Lukas 20:21

Naghapot an mga ini ki Jesus, “Maestro, aram mi na tama an mga sinasabi saka mga itinutukdo mo. Aram mi man na mayo kang pinapalaen na tawo, kundi itinutukdo mo an kabotan nin Dios.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Deuteronomio 33:10

Huhulitan ninda an saimong banwaan na magkuyog kan saimong katogonan; madolot sinda nin mga atang sa ibabaw kan saimong altar.

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.

Deuteronomio 33:9

Pinaorog ka niya ki sa saiyang ama asin ina, ki sa mga tugang asin mga aki niya. Kinuyog kan mga Levita an saimong mga kabotan, inotob ninda an saimong tipan.

Kapahayagan 14:5

Mayo nin kaputikan sa saindang ngoso; mayo sinda nin digta.

1 Samuel 2:12

An mga aking lalaki ni Eli mga mayong ugale; dai ninda iginagalang an Kagurangnan