Malakias 2:5 - Marahay na Bareta Biblia

⁵ “An tipan ko sainda sarong tipan nin buhay asin katoninongan; itinao ko iyan sainda, tanganing galangan ninda ako. Kaidto, iginalang ninda ako asin natakot sinda sako.

Malakias 2:5 ပူးပေါင်းရင်းမြစ်များ

Salmo 61:5

O Dios, an sakuyang mga panuga nadangog mo; itinao mo sako an pamana kan mga may pagkatakot saimo.

Mga Talinhaga 14:2

An naglalakaw sa katanosan natatakot sa Kagurangnan, alagad an may bikong pamumuhay minasikwal saiya.

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.

Ezekiel 37:26

Makikipagtipan ako sainda nin sarong tipan nin katoninongan, asin iyan magigin sarong daing kataposan na tipan. Bebendisyonan ko sinda asin papadakulon; an sakong Templo danay na matindog sa tahaw ninda sagkod pa man.

Mga Bilang 25:7

Kan mahiling ini ni Finehas na aking lalaki ni Eleazar asin makoapo kan padi na si Aaron, binayaan niya an katiriponan asin kuminua siya nin garod.

Mga Bilang 25:8

Sinunod niya an lalaking may darang babae sa tolda asin tinuhog niya kan garod an duwa. Huli kaini uminontok an peste sa Israel,

Mga Bilang 3:45

“Laenon mo an mga Levita bilang kasalihid kan mga matuang lalaki nin Israel, siring man an mga hayop kan mga Levita bilang kasalihid kan mga panganay na hayop kan mga Israelita; mapapasako an mga Levita.

Mga Bilang 8:15

Pakalinig mo asin pakakonsagra kan mga Levita, pwede na sindang maglingkod sa Tabernakulo.