Malakias 2:4 - Marahay na Bareta Biblia

⁴ Dangan nindo maaaraman na ako an nagtao kan pagboot na ini saindo, tanganing dai lapason an sakong tipan sa mga padi, an kapagarakian ni Levi.

Malakias 2:4 ပူးပေါင်းရင်းမြစ်များ

1 Mga Hade 22:25

“Maaaraman mo iyan pag-abot kan aldaw na magtatago ka sa sarong kwarto,” an simbag ni Micaias.

Nehemias 13:29

Giromdoma, Dios ko, kun paano dinigtaan kan mga tawong idto an katongdan nin pagkapadi asin an tipan na ginibo mo sa mga padi saka sa mga Levita.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Jeremias 28:9

Manongod sa propetang nagpapahayag nin katoninongan, masasabing totoong sugo siya nin Kagurangnan kun nagkakatotoo an saiyang pahayag.”

Ezekiel 33:33

Alagad kun magkatotoo na an gabos mong itinaram—asin magkakatotoo mananggad iyan—dangan maaaraman ninda na igwa nin sarong propeta sa tahaw ninda.”

Ezekiel 38:23

Sa paaging ini ipapahiling ko sa gabos na nasyon na ako dakula asin banal. Maaaraman ninda na ako an Kagurangnan.”

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mga Bilang 18:2

Darahon mo an saimong mga kadugo, an tribu ni Levi, tanganing magtabang saindo mantang ika asin an saimong mga aking lalaki naglilingkod sa Tabernakulo.

Mga Bilang 18:21

Nagtaram an Kagurangnan, “Itinatao ko sa mga Levita an lambang himoloan na idinodolot sako kan banwaan nin Israel. Iyan an bayad sa pag-ataman ninda kan Tabernakulo.

Mga Bilang 25:12

Sabihan mo siya na makikipagtipan ako saiya.

Mga Bilang 3:11

Nagtaram an Kagurangnan ki Moises,

Mga Bilang 3:12

“Sakuya na ngunyan an mga Levita. Kan gadanon ko an gabos na matuang aking lalaki kan mga Egipcio, kinonsagra ko para sakuya an lambang matuang aking lalaki kan mga Israelita asin an lambang matuang ogbon na lalaki kan lambang hayop. Ngunyan, embes na sadirihon ko an mga matuang aking lalaki nin Israel, isinalihid ko an mga Levita; mapapasako sinda. Ako an Kagurangnan.”

Mga Bilang 3:45

“Laenon mo an mga Levita bilang kasalihid kan mga matuang lalaki nin Israel, siring man an mga hayop kan mga Levita bilang kasalihid kan mga panganay na hayop kan mga Israelita; mapapasako an mga Levita.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Lukas 10:11

‘Maski an alpog digdi sa saindong banwaan na nakadukot sa samong mga bitis, pinapagpag mi bilang patanid saindo. Alagad saboton nindo ini: harani na an Kahadean nin Dios!’

Juan 15:2

Pinuputol niya sa sako an lambang sanga na dai nagbubunga; tinatakrasan niya an lambang sanga na nagbubunga tanganing orog na magdakul an bunga.