Malakias 2:14 - Marahay na Bareta Biblia

¹⁴ Minahapot kamo kun tano ta habo na niyang akoon an mga iyan. Huli ta aram niya na linapas nindo an saindong panuga sa babaeng inagom nindo kan mga hoben pa kamo. Siya an saindong kaiba, asin linapas nindo an saindong panuga saiya maski nanuga kamo sa atubangan nin Dios na magigin maimbod saiya.

Malakias 2:14 ပူးပေါင်းရင်းမြစ်များ

Genesis 2:18

Dangan nagtaram an Kagurangnan Dios, “Bakong marahay na magsolo-solo an tawo. Magibo ako nin sarong maninigong kaibahan niya na makakatabang saiya.”

Genesis 31:50

Nagsabi pa si Laban, “Kun maglaen an saimong pagtratar sa mga aki kong babae, o kun mag-agom ka nin ibang mga babae, minsan dai ko maisihan, giromdoma na nagbabantay sato an Dios.

Mga Talinhaga 2:17

na bakong maimbod sa sadiri niyang agom, asin nakakalingaw kan saiyang banal na panuga.

Mga Talinhaga 30:20

Siring kaini an ginigibo kan babaeng nagpapasambay: nakikidorog siya sa lalaki, minakarigos, dangan minasabi, “Mayo ako nin ginibong maraot!”

Mga Talinhaga 5:20

Aki ko, tadaw ta itatao mo an saimong pagkamoot sa ibang babae? Tadaw ta orog na papahalagahan mo an karinyo kan agom nin ibang lalaki?

Parahulit 9:9

Mag-ogma ka sa buhay kaiba an agom na saimong namomotan, sagkod na igwa ka pa kan mayong halagang buhay na itinao saimo nin Dios sa kinaban na ini, huli ta iyan man lamang an kahirasan mo sa buhay para sa gabos mong kapagalan.

Awit nin mga Awit 1:15

Magayon ka nin marahay, sakong namomotan; sa pagkamoot, an saimong mga mata nagkikinang!

Isaias 54:6

Israel, nakakaarog ka sa sarong hoben na agom, na binayaan kan saiyang agom asin nagmomondo nin makuri. Alagad inaapod ka giraray nin Kagurangnan na nagsasabi:

Isaias 58:3

Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Jeremias 29:23

Iyan an saindang aabotan huli ta naggibo sinda nin magabat na kasalan—nagdorog sinda sa bako nindang agom saka nagtaram nin mga kaputikan sa ngaran nin Kagurangnan. Tumang ini sa kabotan nin Kagurangnan; siya an saksi laban sainda. An Kagurangnan an nagtaram.”

Jeremias 42:5

Dangan nagsabi sinda sako, “Magin logod totoo saka maimbod na saksi laban samo an Kagurangnan kun dai mi sunodon an gabos na pagboot na itatao saimo nin Kagurangnan na satong Dios para samo.

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Jeremias 9:2

Kun sa desyerto may lugar pa sana akong maeerokan tanganing makaharayo ako sa sakong banwaan! Gabos sinda bakong maimbod, sarong grupo sinda nin mga parapasaluib.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Mikas 1:2

Dangoga nindo ini, kamo gabos na nasyon; hinanyoga nindo ini, kamo gabos na nag-eerok sa daga! Masaksi laban saindo an Kagurangnan Dios. Paghinanyog! Nagtataram siya hale sa langitnon niyang templo.

Malakias 2:15

Bakong an Dios an nagsaro saindo sa hawak asin sa espiritu? Ano an katuyohan niya sa paggibo kaini? An katuyohan iyo na magkaigwa kamo nin mga aki na totoong diosnon. Kaya hingowahon nanggad nindo na mayo saindo nin maglapas kan saiyang panuga sa saiyang agom.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Hukom 11:10

Nagsimbag sinda, “Oyon kami. An Kagurangnan an satong saksi.”

1 Samuel 12:5

Nagsimbag si Samuel, “Saksi an Kagurangnan asin an hadeng pinili niya sa aldaw na ini, na mayo kamong nakuang sala sako.” “Iyo, an Kagurangnan an samong saksi,” an simbag ninda.