Malakias 2:12 - Marahay na Bareta Biblia

¹² Haleon logod nin Kagurangnan sa komunidad nin Israel an mga naggibo kaini, asin dai na logod tugotan na makaiba sa pagdodolot na ginigibo kan satong nasyon sa Kagurangnan nin mga hukbo.

Malakias 2:12 ပူးပေါင်းရင်းမြစ်များ

1 Mga Cronica 25:8

Tanganing maaraman an saindang mga katongdan, nagripa sinda gabos, sadit man o dakula, paratukdo man o pinagtutukdoan.

Isaias 61:8

Nagsasabi an Kagurangnan, “An hustisya sakong namomotan asin an panghabon saka karatan sakong naoongisan. Maimbod kong babalosan an sakong banwaan asin magibo ako sainda nin mayong tapos na tipan.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Ezekiel 14:10

Maako nin parehong padusa an propeta asin an nakihumapot saiya.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Oseas 9:12

Alagad maski pa magpadakula sinda nin mga aki, kukuahon ko an mga iyan sa sainda asin mayo akong itatadang buhay. Herak man sa sainda sa panahon na bayaan ko na sinda.”

Levitico 18:29

Huli ta an siisay man na gumibo kan arin man sa mga karigsokan na iyan, dai na ibibilang na kaayon sa banwaan nin Dios.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Zacarias 12:7

“Ako, an Kagurangnan, an matao nin kapangganahan enot sa mga hukbo nin Juda, tanganing an onra na aakoon kan mga kapagarakian ni David asin kan banwaan nin Jerusalem dai makaorog kan aakoon kan ibang kabtang nin Juda.

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Malakias 1:13

Minasabi kamo, ‘Pagal na kami sa paggibo kan gabos na ini!’ dangan tinatami-tamian nindo ako. Bilang dolot dinadarahan nindo ako nin hinabonan na hayop o sarong hayop na pilay o may helang. Sa paghona nindo, aakoon ko daw saindo an siring na dolot?

Malakias 2:10

Bakong saro man sana an satong ama? Bakong saro sanang Dios an naglalang sato gabos? Kun siring, tadaw ta dai ta inootob an satong panuga sa satong kapwa, asin tano ta binabasang-basang ta an tipan na ginibo nin Dios sa satong mga ginikanan?

Mga Bilang 24:5

Magagayon an saimong mga tolda, O Jacob, An saimong mga eerokan, O Israel!

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

1 Samuel 3:14

Kaya isinusumpa ko sa pamilya ni Eli na mayo nin atang o dolot na makakatubos sa kasalan na ini.”