Malakias 2:10 - Marahay na Bareta Biblia

¹⁰ Bakong saro man sana an satong ama? Bakong saro sanang Dios an naglalang sato gabos? Kun siring, tadaw ta dai ta inootob an satong panuga sa satong kapwa, asin tano ta binabasang-basang ta an tipan na ginibo nin Dios sa satong mga ginikanan?

Malakias 2:10 ပူးပေါင်းရင်းမြစ်များ

Nehemias 13:29

Giromdoma, Dios ko, kun paano dinigtaan kan mga tawong idto an katongdan nin pagkapadi asin an tipan na ginibo mo sa mga padi saka sa mga Levita.

An Libro ni Job 31:15

Bakong an Dios na naglalang sako iyo man an naglalang sa sakong sorogoon? Bakong saro sana an naglalang samong duwa?

Salmo 100:3

Midbidon mo na an Kagurangnan iyo an Dios! Linalang niya kita, asin sadiri niya; kita an saiyang banwaan, mga karnero na saiyang ataman.

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 24:3

Nagduman si Moises sa mga tawo asin ipinahayag sainda an gabos na togon saka mga pagboot nin Kagurangnan. Sarabay na nagsimbag an mga tawo, “Gigibohon mi an gabos na itinaram nin Kagurangnan.”

Exodo 24:7

Pakatapos, kinua niya an libro nin tipan, na nasusuratan kan mga togon nin Kagurangnan, dangan binasa nin makosog sa atubang kan mga tawo. An mga Israelita nagsimbag, “Susunodon mi an Kagurangnan asin gigibohon mi an gabos niyang pagboot.”

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 43:15

Ako an Kagurangnan, an saindong banal na Dios. Ako an naglalang saimo, Israel, asin ako an saimong hade.”

Isaias 43:7

Sinda an sadiri kong banwaan asin ako an naglalang sainda tanganing magdara sako nin kamurawayan.”

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

Ezekiel 33:24

“Aki nin tawo, an mga nag-eerok sa mga rumpag na syudad kan daga nin Israel nagsasarabi: ‘Saro sana si Abraham alagad itinao saiya an bilog na daga. Ngunyan mas dakul na kita, kaya satuya na an daga.’

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Malakias 2:11

Linapas kan mga taga Juda an saindang panuga sa Dios asin naggibo sinda nin makauuyam na bagay sa Jerusalem asin sa bilog na daga. Dinigtaan ninda an Templo na namomotan nin Kagurangnan. Inagom kan mga lalaki nin Juda an mga babaeng nagsasamba sa dayuhan na mga dios-dios.

Malakias 2:8

“Alagad ngunyan, kamong mga padi, nagsuhay kamo sa tamang dalan; an saindong katukdoan iyo an dahelan kan pagkasingkog nin dakul na tawo. Linapas nindo an tipan na ginibo ko saindo.

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Mateo 22:16

Kaya pinaduman ninda ki Jesus an saindang mga disipulo kaiba an nagkapirang tawohan ni Herodes. Nagsabi an mga ini, “Maestro, aram mi na bako kang putikon, talagang itinutukdo mo an kabotan nin Dios. Dai kang pinapalaen na tawo ta dai mo tinatawan nin halaga kun ano an katongdan ninda.

Mateo 3:9

Dai kamo maghona na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Lukas 1:73

An sinumpaan niyang panuga sa satong ama na si Abraham, na ililigtas niya kita sa satong mga kaiwal, nganing mapaglingkodan ta siya na mayong takot,

Lukas 3:8

Ipahiling nindo sa gibo na kamo nagbakle na. Dai kamo mangahas na mag-isip na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Juan 8:39

Nagsimbag sinda, “Si Abraham an samong ama.” “Kun mga aki kamo ni Abraham, naggigibo man kutana kamo kan mga bagay na ginibo ni Abraham,” an sabi ni Jesus.

Juan 8:41

Ginigibo nindo an ginibo kan saindong ama.” Nagsimbag sinda, “Bako kaming mga aki sa luwas. An Dios iyo an samong Ama.”

Juan 8:53

Mas dakula ka pa ki sa samong ama na si Abraham? Nagadan siya, siring man an mga propeta. Ano an paghona mo, siisay ka man?”

Juan 8:56

Naogma an saindong amang si Abraham kan maaraman na mahihiling niya an aldaw kan pagdigdi ko; nahiling niya asin naogma siya.”

Mga Gibo 17:24

An Dios na naglalang kan kinaban asin kan gabos na yaon diyan, iyo an Kagurangnan kan langit saka kan daga. Dai siya nag-eerok sa mga templo na gibo nin tawo.

Mga Gibo 17:25

Dai man siya nangangaipo nin anoman na bagay na ikakatao nin tawo sa paglingkod saiya, huli ta siya ngani an nagtatao nin buhay saka hinangos, asin nin gabos na bagay sa gabos na tawo.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Mga Gibo 7:2

Nagsimbag si Esteban, “Mga tugang saka mga magurang, himatea nindo ako! An Dios nin kamurawayan nagpahiling sa satong ginikanan na si Abraham kan yaon pa siya sa Mesopotamia, bago siya nag-erok sa Haran.

Mga Gibo 7:26

Sunod na aldaw, nakahiling siya nin duwang Israelita na nag-iiwal. Pinaghingowa niyang husayon sinda, kaya nagsabi siya, ‘Magtugang kamo; tadaw ta nag-iiwal kamo?’

Roma 4:1

Ano naman an masasabi ta dapit ki Abraham na ginikanan kan samong rasa?

Roma 9:10

Bako sana ini. An duwang aking lalaki ni Rebeca saro sana an ama, an satong ginikanan na si Isaac.

1 Corinto 8:6

alagad para sato saro sana an Dios, na iyo an Ama na Kaglalang kan gabos na bagay asin para saiya kita gabos nabubuhay. Siring man may saro sanang Kagurangnan, si Jesu-Cristo, na sa paagi niya linalang an gabos na bagay asin sa paagi niya nabubuhay kita.

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

Efeso 4:6

igwa nin sarong Dios saka Ama kan gabos. Orog siya sa gabos, huli sa gabos, saka yaon sa gabos.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

Hebreyo 12:9

Dinidisiplina kita kan satong mga ama sa daga kaya ginagalangan ta sinda. Ano pa daw kun kita magpasakop sa Ama na yaon sa langit ngani kitang mabuhay!

Josue 24:3

Dangan kinua ko si Abraham na saindong ginikanan, hale sa dagang idto sa ibong kan Eufrates, asin pinangenotan ko siya pasiring sa bilog na daga nin Canaan. Tinawan ko siya nin dakul na kapagarakian. Nagin aki niya si Isaac,