Malakias 1:9 - Marahay na Bareta Biblia

⁹ Ngunyan, kamong mga padi, makimaherak kamo sa Dios tanganing magin marahay siya sato. Dai niya sisimbagon an saindong pamibi, asin kamo an may sala.

Malakias 1:9 ပူးပေါင်းရင်းမြစ်များ

2 Mga Cronica 30:27

Dangan hinagad sa Kagurangnan kan mga padi asin kan mga Levita na bendisyonan an banwaan. Sa langit na saiyang erokan nadangog dangan inako nin Dios an saindang pamibi.

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 27:18

Kun totoong mga propeta sinda saka yaon sainda an sakong mensahe, pabayae sindang makiolay sako, an Kagurangnan nin mga hukbo, na dai ko itugot na darahon sa Babilonia an mga kayamanan na nawalat sa Templo saka sa palasyo kan hade.” (

Mga Panambitan 2:19

Sa bilog na banggi magtindog ka asin mag-apod sa Kagurangnan; siring sa tubig, iula mo an saimong puso sa atubangan nin Kagurangnan! Makimaherak ka para sa saimong mga aki na nadidismayo sa gutom sa lambang kanto kan tinampo.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Roma 2:11

Huli ta an Dios mayo nin pinapalaen.

1 Pedro 1:17

Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.